160 يامي - للشاعر مانع بن شلحاط ال ضاعن

[عبدالله ال مجحود]

قصيدة قالها الشاعر مانع بن شلحاط في حفل زفاف بنيان الزهيري ال رزق يمتدح
فيها ال رزق وذكر مواقف فخوذ القبيلة وقام بذكر الشاعر هادي الرزقي كما قام
بامتداح بندر بن علي بن مجحود ال رزق لما له من مواقف تجاه ابناء القبلية
وقام بإلقاء القصيده الشاعر: محمد ابن مانع ابن شلحاط

احتراما ً للزهيري واحتراما لاحتفاله = واحتراما ً لآل الرزق اللي لهم حق ٍ عليّه
جيت ابحيي حفلة بنيّان لعيونه وآله = لابة ٍ تفخر بها كل الجموع المذكرية
لا تعزووا بين ذي دلعب غشى دنيا جهاله = لين تبرق هومة الايام نعرة جاهلية
وآل ظرفه سِعد منهم محزمه لا شان فاله = وال خذيلة فزعة المظهود لا شيّن نويّه
ولانتخى هديان باسم رويس مايحسب لحاله = جاوك ال رويس لهديان في ذيّه وذيّه
و فزعة آل هيسان لآل حريش ما فيها جماله =وقفة آل حريش لآهيسان ماجوب وحميّه
و آل طعزة جال ضلع ٍ يمّن الخايف ظلاله = ومن زبن رزقان فج الجرم كنه وسط حيّه
بالتفاف آلاد مشني يذكر مواجد عياله = ويفتخر يام المسمّى بالجدود الاحسنيه
من جنوب بلادنا يا آلاد مشني لي شماله = والعلوم النايفة يا آلاد رزق مواجديه
وعقبها يا آلاد مشني يا رجاجيل الشكاله = ودي اسولف عن اللي في سراجيفي شويّه
شاعر ٍ كل الخليج يردد اسمي في مقاله = والشعر ماهوب فعل ٍ ينتسب مني وإليّه
هادي الرزقي يوكلني وانا كفو الوكاله = ليت به مثل ابن شاجع سبك هرج وشاعريه
ساحة الشعار من الاعلام تاليها حثاله = لجة الحشوان لحن القبيله والعنصريه
كل منهم يسمع امه تمدح ابوه وخواله = جاك يمدحهم يظن امه صدوق ومرجعيه
يا مسا الخيرات ياجمهور شعري يا جماله = نذر لولا ذوقكم ما ابرح حدود الجاذبيه
جيت ابرضيكم وعندي لو سمحتوا لي رساله = والرساله رفع صيت ورفع ذكر ومعنوية
بيّض الله وجه ابن مجحود بندر في مجاله = جعل من غط العلوم الطيبات الهندرية
نذر ماله وسط بطني شي يا ربوعه ولا له = كود قولت والنّعم لا جاه من حاله رديه
امية وستين يامي ضمهم من حر ماله = لين وظفهم مابين المحكمة والداخليه
جعل عالين المناصب لا هبوا فدوة نعاله = ليه ما سووا مثل بندر راع الكف الندية
يابن رازق فوق فوق وكل رجل ٍ من فعاله = والله انّا ما استفدنا من رتبنا العسكرية

وسلامتكم

[هادي بن فهاد]

صح السان شاعرها

ولاهنت يا عبدالله ال مجحود على النقل

[سقام]

ونعم يال رزق ومواجد وصح لسان ابن شلحاط

[الغروب]

عبدالله ال مجحود

اشكرك على نقل القصيدة الطيبة

وصح لسان الشاعر مانع بن شلحاط.

[سلاطين العجمان]

صح لسان الشاعر

[_قليبي_دليلي_]

صح لســــــــــــان الشاعر ,,ابدع

لاهنت مااقصـــــــرت

[_طير_شلوى_]

صح لسان الشاعر مانع بن شلحاط
لاهنت يا عبدالله ال مجحود

[someone]

صح السان شاعرها
ويستاهلون المدح
لاهنت على نقلها

[حــســن الــعــذاب]

صح السان شاعرها

ولاهنت يا عبدالله ال مجحود على النقل

[حمد العويصي]

مشكور أخوي عبدالله على هالنقل

وصح لسان الشاعر مانع بن شلحاط

ويستاهلون

مع خالص التقدير