يامنتدى العجمان مسيت بالخير

[يالبيه يالرقه]

السلام عليكم ورحمه الله وبركاته
واضع هذه المتواضعه من باب التواصل



يامنتدى العجمان مسيت بالخير
من شاعر(ن)يبدع بنضم القوافي
ابيات شعري كلبيها قناطير
واقسى وحد من السيوف الرهافي
تمخضت بنت الفكر وانتجت غير
وجابت لي در(ن) ماسفته السوافي
اصيح وازهمها تجيني طوابير
بيت ورى بيت ولا به خلافي
اجيبها بخبره وفكره وتصوير
واذوب المعنى بكل احترافي
شاعر وبحضوري تشوش الجماهير
واطرب مسامعها لا غنيت قافي
والبارحه مابين ورد ومصادير
هموم قلبي بيحت كل خافي
اسوق رجلي والدهن السير ويسير
وانظر قدم ماني بناضر خلافي
لاني على سلم الرجال المناعير
اللي لفعل الطيب تبذل وتافي
يلي تعذر ماتفيد المعاذير
اللي بقوله جعلها لك عوافي
من صد عني جعلهاله مسافير
الدرب قدامه وانا عنه غافي
مالد عيني فيك يانافخ الكير
يلي وصوفك بين لاش(ن) وهافي
بعض الحكي ماهو بيحتاج تفسير
سم(ن) سرى وسط العروق الصخافي
باجوز عن خوة ردي الاشاوير
اللي يبين مع الليال العجافي
جعله فدى ام العيون المخادير
الجادل اللي حسنها حسن ضافي
اللتلع المياس شوق القنادير
اللي ليا مرت يجيني شعافي
في وصفها يخونني كل تعبير
ويضيع فكري وين بلقى مطافي
ترسي بقلبي كنها الطويق والنير
وتحرك سكوتي بغنج وعفافي
اله علي حشمه وقيمه وتقدير
ولي عليها ماتشوف التجافي
تبقى بقلبي لوتهب المعاصير
ماكنه الا حب شيمه اللوافي

[ناثرة الورد]

.. وعليكم السلام ورحمة الله وبركاته ..

{ شُـكـرت لـروعـهـ الـطـرح تسلم يدكـ
لا حُرمنا روعهـ جديدكـِ الراقي ..

دمـت بهـذا التميـز ~

[الغروب]

قصيدة طيبة

وابيات مميزة

جزيل الشكر والتقدير لشخصك الكريم .

[king الوادي king]

يالبيه يالرقه لاهنت على الابيات وبيض الله وجهك وجعلك تسلم على كل حال ولا نستغرب منك التميز


وننتظر الجديد

[أبو سلطان]

صح الله لسانك على القصيدة ولا يستغرب الطيب من هل الطيب

[بندر العجمي]

الله الله الله




ياسلااااااااااااام ياراعي الرقه








حي ذا العين من القصيد اللي حنا خااااااااااابرين\






صح الله لسانك وابداااااااااااااااااااع والله لايشينك

[عبدالرحمن العمري]

اسوق رجلي وادهن السير ويسير=وانظر قدم ماني بناضر خلافي
لاني على سلم الرجال المناعير=اللي لفعل الطيب تبذل وتافي

يالبيـــــــــه يالقصيــــد ،،

كفووو ونعم مليون ،، صح لسآنك و لآ هنت ،،

أخوك ـ

[ِِِAL 3ajmiah]

وعليكم السلام ورحمة الله وبركاته

يالبيه يالرقه .. صح لساانك واعتلا شاانك ع الأبيات الجزلة ..

يعطيك العاافية ~

[يالبيه يالرقه]

المشاركة الأصلية كتبت بواسطة ناثرة الورد

.. وعليكم السلام ورحمة الله وبركاته ..

{ شُـكـرت لـروعـهـ الـطـرح تسلم يدكـ
لا حُرمنا روعهـ جديدكـِ الراقي ..

دمـت بهـذا التميـز ~

لاهنتي على المرور الجميل

[يالبيه يالرقه]

المشاركة الأصلية كتبت بواسطة الغروب

قصيدة طيبة

وابيات مميزة

جزيل الشكر والتقدير لشخصك الكريم .

لا هنتي على المرور الوافي والمميز