نيّة فراق ..!

[عامر الهاجـري]

بسم الله الرحمن الرحيم ..

هذه القصيده للتواصل معكم أعزائي الأعضاء .. وقد تم نشرها في ملتقى شعراء جريدة الوطن قبل فتره .. وأتمنى أن تحوز على رضاكم ..

الله وأكبر من الدنيا وخوافيها .. = بيّحت سدّي بعد ما صادرت قسمي ..
ما غير أغني مع الورقا وألاحيها .. = يا عل ليحانها يشيل من همي ..!
وين أنت ؟ يا معلل الروح ومداويها .. = يا غاية مرادي ويا واقعي وحلمي ..
بسألك .. بعدك حياتي ويش تاليها ..؟ = لا نومتي نومه ولا سلمي بـ سلمي !!
روحي وعيني وموقي من يراعيها .. = لا والله إلا إنتهيت ولا إلتفت يمي ..
من أولٍ لا بكيت إيدينه أسقيها .. = واليوم يا غترتي ولا طرف كمي ..!
يقول هذي علاقة لازم أنهيها .. = وأروغ منّه شوي أو أستخف دمي ..
وأعد له عشرةٍ قد زان ماضيها .. = يوم العرب يم نحره عاينت وسمي ..
ويرجع على نيّةٍ مبطي مضى فيها .. = نيّة فراقٍ قويه طيحت عزمي ..
يقول هذي حياةٍ ما لنا فيها .. = إنسى رجوعي وعنواني .. وطاري إسمي ..
لا مستحيل أنت ما تقصد معانيها .. = نيْتك هذي تنبش جرحي المدمي ..
وشلون أبنسى المحبه وأنت طاريها !! = يالي غلاك يتحدى .. خالي وعمي ..
طيفك سكن عيني وصورْتك هم فيها .. = يا ليلي وكيفي و قمراي ويا نغمي ..
بنساك .. أو .. باتناسا .. او .. بمشيها .. = وأعيش ذكراك وأعوّد على نظمي ..
وكل الهدايا بعد فرقاك .. بهديها .. = البربريز .. وروائع أحمد الجسمي ..!