|
|
|
|
]السلام عليكم و رحمة الله و بركاته,,,
انها قصيدة كتبها احد الشباب من رأى في منامه انه توفى ورثى نفسه فيها
جاني وانا في وسط ربعي وناسي = جاني نشلني مثل مـا ينشـل النـاس
مني نشل روح تشيل المآسي = تشكي من أيـام الشقـى تشكـي اليـاس
اثر الألم في سكره الموت قاسي = ما هالني مثلـه و أنا إنسان حسـاس
جابوا كفن ابيض مقاسه مقاسي = ولفوا به الجسم المحنـط مـع الـراس
وشالوني أربع بالنعش و متواسي = عليه ومغطى علـى جسمـي البـاس
وصلوا علي وكلهم في مآسي = ربعي ومعهم نـاس مـن كـل الأجناس
يا كيف سوا عقبنا تاج راسي = وأمي الحبيبة وش سـوى بهـا اليآس
اسمع صدى صوت يهـز الرواسـي = قولوا لهـا لا تلطـم الخـد يا نـاس
قولوا لها حق وتجرعت كاسـي = لا تحتـرق كـل يبـي يجـرع الكأس
أصبحت في قبري ولا به مواسي = واسمع قريـع نعولهـم يـوم تنـداس
من يوم قفوا حل موثق لباسي= وعلـى رد الـروح صـوت بالأجراس
هيكل غريب وقال ليه التناسي= صوته رهيـب وخلفـه اثنيـن حـراس
وقف وقال أن كنت يا نمر ناسي = هـاذي هـي أعمالك تقـدم بكـراس
ومن هول ما شفته وقف شعر راسي = وانهارت أعصابي ولا أرد الأنفاس
يا ليتنـي فكـرت قبـل انغماسـي = بالغفلة اللـي منتهاهـا للإفلاس
و فزيت من نومي على صوت ناسي= واصرخ وأقول الموت وأحذر الناس
للشاعر المقدم / نمر السحيمي الحربي
وبالفعل قد قال هذه القصيدة قبل وفاته
لأنه رأى في المنام أن منادياً يناديه
وأنه ميت فقال هذه القصيدة وأودعها في درج مكتبه
وعندما توفي .. وعند تفتيش مكتبه وجدوها فيه
رحمه الله رحمة واسعة ... فقد عزى نفسه قبل أن
يشيعه المشيعون |
|
|
|
|
[/size]