فلاح لوزير الأوقاف عبدالله المعتوق

[راشد العتل]

مرحبا ياشباب
هذي قصيده القاها امس الشاعر فلاح المطيري
الى وزير الاوقاف عبدالله المعتوق على مافعل
من ايقاف ادخال كتب اهل السنه والجماعه
واجيبها لكم ومحد نشرها بالنت وصوتيا راح تسمعونها

البارحه يوم اكثر الناس غافين=هاجوس قلبي يشتت الفكر غاره
واخذت افكر بالملا يسار ويمين=وفي وقت فيه الدين يكثر حصاره
ياوقت وقت العلمله وقتنا الشين=وقت يريب العقل وقت الحضاره
هذا زمن دستور مدري قوانين=مدري زمن ميت وحان احتضاره
ياهل المروئه والوفا واهل الدين=يالي على الطولات فيكم جباره
الشيخ بن باز ومحمد عثيمين=الي لهم حشمه وقدر و وقاره
على الهدى والخير والمنهج الزين=وكل سهى منهم بحسب اقتداره
شيوخ على خمس الفرايض حريصين=وراحو على طاعه وعز وطهاره
يجرى عليهم حضر حسب القوانين= بأمر الوزير الي تولى الوزاره
نفذ قراره واصدره بين قوسين=عسى يدينه لشلل والجباره
الله جعلهم عن جنابه رفيعين=وربك على الظالم قوي اقتداره
ان كان وقت الشرق نادي مجانين=تجيك في مثله بصبح وسجاره
حتى الأئمه والشيوخ الفضيلين=قام يتصداهم بحرفه مهاره
دين النبي واحد ولا فيه دينين=يالي على السنه سترت الستاره

[ابومحمد الشامري]

لا هنت يا ابو محمد وان شاء الله ان المعتوق وزيرنا راح يتراجع عن هذا الايقاف ونلتمس له العذر يمكن احد القياديين في الوزاره كان سبب في الوقف وعلى العموم نريد موقف حازم من المعتوق في هذا الشأن.

وتسلم مره اخرى يا ابو محمد وصح لسان فلاح المطيري

[راشد العتل]

يالله حيه يابوحمد ومنور مرورك والله يسلمك

[راشد العتل]

انتظروها بصوت شاعرها خاصه

[فهد بن محسن]

لاهنت ياراشد

وصح الله لسان الشاعر فلاح والله يوفقه ويجزاه خير


,,, والله يخذل من خذل الدين


تحياتي لك

[راشد العتل]

لاندمت يافهد

والله يجزاه ويجزا اهل الخير خير

والهم امين يابوفيصل

[سعود الخويطري]

حي راشد العتل وحي ماجاب



وصح الله لسان فلاح المطيري وسلم بوحه الطيب



ووننتظر القصيدة صوتيا



وتقبل سلامي واشواقي

الخويطري