ليه المسا عوق الشقـاوي وطبّـه؟

[الرسام]

السلام عليكم ورحمة الله وبركاته


يسعد صباح ولا مساكم اخواني



عسا بعد غيبتي هذي ارضيكم بما في جعبتي

ليه المسا عوق الشقـاوي وطبّـه؟=وليه الهبوب تصحي القلب لا بـات؟
وليه القمر يدعـي جريـح المحبّـه؟=ويقول له يا هيه..ما فات ..ما مـات
جرحك ظهر لو قلـت للوجـه خبّـه=وللحزن في ضحكك رسوم وعلامات
وليه المطر بالذات ريحـه.. وصبّـه=كنّه رسول ٍ بيـن الاحبـاب بالـذات؟
اشتـاق فيـه لشوفـتـك واتنـبّـه=للي نسيته مـن مواقـف ونظـرات
لا استانس الخافق ذكر مـن يحبّـه=ورجع يراجع فالوناسـات مـا فـات
يا مرتـع القلـب الحزيـن ومربّـه=يزيين بك مثل الذهب صدر الابيـات
هيهات ينسى القلب شخـص ٍ لعبّـه=وهيهات يدله خاطري منـك هيهـات
سبك مديح ومـدح غيـرك مسبّـه=تقول واذني صوتها تقول لك هـات
ونبع الغلا عنـدك وعنـدي مصبّـه=ومن الولا .. في خافقي لك ..ولاياات
وطيفك حطب عيني..وعيني مشبّـه=والشوق برد ٍ ما انقطع لو للحظـات
ومكانك الصدر ولـك القلـب شبّـه=بين الظلوع اللـي فردهـا التنهـات
ولك بيـرق ٍ فالقلـب حبـك يهبّـه=شامخ ولا هزه من العـذل غـارات
محبتـك فالوقـت ذا مــا تشـبّـه=الا بخيمـة بـدو بيـن العـمـارات
ان شفتني ضايق واهوجس واسبّـه=اخاف غدر الوقت.. والوقـت دورات
لا تحسب ان دمعي نـزل دون سبّـه=ابكي من الفرقا وهـي مابعـد جـات
الـيـوم كــل امورنا..مستتـبّـه=وبكره ماندري وش معه من مسرّات
اربّ قلبـك مثـل قلـبـي اربّــه=ما يخلفه كثر العـذل.. والمسافـات

محمد بن فطيس

[مسعطر]

اليوم كل أمورنا مستتـبّه=و بكره ما ندري وش معه من مسرّات

صح لساااااااان ابن فطيس مليوووون على ذا الرائعة..

الرسام ما تجيب إلا الزين صح نقلك
تقبل مروري و تحياتي..

[عـسـاه خـيـر]

لاهنت على النقل الجميل اخوي الرسام وصح السانك والسان محمد بن فطيس

[مهرة النسيان]

ياسلامي عليك يالرسام ..

حضور غير شكل .. هذي القصيدة بالذات كنت اتمنى اني اقراها .. سمعتها

في لقاء تلفزيوني مع الشاعر وبحثت عنها في النت في تلك الفترة وماحصلتها ..

ولكن .. مايجيبها الا رجالها ..

ليه المسا عوق الشقاوي وطبّه؟=وليه الهبوب تصحي القلب لا بات؟
وليه القمر يدعي جريح المحبّه؟=ويقول له يا هيه..ما فات ..ما مات

صح لسان بوحمد مليااار ملياار ..

[الفرس]

وطيفك حطب عيني..وعيني مشبّه=والشوق برد ٍ ما انقطع لو للحظات
ومكانك الصدر ولك القلب شبّه=بين الظلوع اللي فردها التنهات

التنهات


الله ... الله ...


صح لسان الشاعر الكبير بن فطيس .. وسلمت يمين ناقلها .. اختيارات راقيه ..



اخوي الرسام تقبلني من معجبين ابياتك واختياراتك ..

[الرسام]

المشاركة الأصلية كتبت بواسطة مسعطر

اليوم كل أمورنا مستتـبّه=و بكره ما ندري وش معه من مسرّات

صح لساااااااان ابن فطيس مليوووون على ذا الرائعة..

الرسام ما تجيب إلا الزين صح نقلك
تقبل مروري و تحياتي..

مسعطر

لا هنت على المرور الرائع

ومشكور على الكلام الحلو يا حلو


تحياتي

[الرسام]

المشاركة الأصلية كتبت بواسطة عـسـاه خـيـر

لاهنت على النقل الجميل اخوي الرسام وصح السانك والسان محمد بن فطيس

عساه خير


يهمني مرورك


صح بدنك ولا هنت طال عمرك


حترامي

[الشيخه]

الرســـــــــــــــــــــام


لاهنت على النقل الرائع واشهد بالله انها جابت اقصاى

اربّ قلبك مثل قلبي اربّه = ما يخلفه كثر العذل.. والمسافات

تقبل منى خالص التحيه

[حـــوران]

¤ô§ô¤ محـــمد بن حمد ¤ô§ô¤

يقصــر الكلام من دون جزالته وإبداعه

لا تحسب ان دمعي نزل دون سبّه=ابكي من الفرقا وهي مابعد جات

بيــت عجـيب ولله دره


/
؛
/


¤ô§ô¤ الرســــام ¤ô§ô¤

كل الشكـــر على النـقل وصح لســان شاعرها

نقلــت وتجمـلت

وماتجيب دايم الا الجـزل

ولاتخليــنا من غيــرها

[الرسام]

المشاركة الأصلية كتبت بواسطة مهرة النسيان

ياسلامي عليك يالرسام ..

حضور غير شكل .. هذي القصيدة بالذات كنت اتمنى اني اقراها .. سمعتها

في لقاء تلفزيوني مع الشاعر وبحثت عنها في النت في تلك الفترة وماحصلتها ..

ولكن .. مايجيبها الا رجالها ..

ليه المسا عوق الشقاوي وطبّه؟=وليه الهبوب تصحي القلب لا بات؟
وليه القمر يدعي جريح المحبّه؟=ويقول له يا هيه..ما فات ..ما مات

صح لسان بوحمد مليااار ملياار ..

مهرة النسيان


مرور يهمني رائع ومتميز


مشكوره

ولو داري انش تدورينها حطيتها من زمان


احترامي