![ طفــولــة عضــــو ]!

[شيخة الغلا]

مسائاتكم / صباحاتكم معطره بدفء الطفوله والذكريات المسليه من روح لاخرى نتساءل نحن والذكريات دوما عن سر ..!! هل كنا أطفالاً نلعب / نضحك / ونلهو ...؟؟ أم كنا طيوراً .. فوق الشمس نحلق / نُغني / ونطير ..؟؟ هل كانت أيامنا أسراب حمام وهديل ..؟! أم كانت أوهاماً .. وسراباً في الأرض يسيل ؟! يسكننا فرحٌ و [ حب ] كثير .. يجهلنا حزنٌ و [ هم ] كثير ..! نجري كالنهر ونـرقص كنسمات عليلة !! تلكـ هي » الطفولهـ « تحمل الكثير من المواقف والذكريات ويخالطها الحزن تارة و الفرح تارةً أخرى !! و تبقى : الذكريات هي سيدة الموقف ! هنـآ , لنتذكر مواقفنـا الطفولية معـاً الاسئلة:- 1/ أنشودة كنتي/ كنت , تحبينهآ أيام الطفولة ؟ 2/ شخصية كرتونية كنتي /كنت ’تحبينها/ تحبهآ ؟ 3/ كيف كنتي/ كنت ’ أيام طفولتك شيطانية / شيطآني /ولامؤدبة /والا مؤدب؟ 4/ موقف عرضتِ فيه أهلك للأحراج ؟ 5/ هل كنتِ/ كنت , ذات شخصيه قويهـ أم مغلوبـ (ن) عليهـآ ؟ 6/ موقف حصل لك في طفولتك كان له دور في تغيير مجرى حياتك ؟ 7/ أكبر ( عيدية ) جمعتيهآ كم ؟ ,, ومن مين ؟ 8/ من كـان يدلعك أكثر أبوك ِ أو أمك ؟ 9/ إســم كان دلعك بالطفولة ولحد الآن ينادونك فيـه ؟ 10/ بطفولتك كنتي تبكين إذا ماجلستي/كنت تبكي اذآمآجلست./ بالاول بالطابور أو الفصل ؟ 11/ لعبه موجوده من صغرك وإلى الحين عندك؟ 12/ وش اكـثـر حلاو كنـتي تحـبينهـ /كنت تحبه؟ 13/ وش اسم أول استاذهـ/ استآذ درستك ؟ 14/ هـل كـنتي تـعانـين/ تعآنيني ,/ مـن اخـطاء فـي مخـارج الحـروف ؟ 15/ آخر سؤال .. وش نبزتك ( معيارك ) المعروف فيها وانت/ وانتي صغير/ صغيره؟؟ وبص .. اورفوار

[عايض الوقدان]

موضوع جميل !



بس ماني مجاوب لازم فيه أحد قبلي ..

[فهـد العجمي]

موضوع حلو

برد عليه لما ارجع الترفيه مره ثانيه

[بروتكول]

المشاركة الأصلية كتبت بواسطة شيخة الغلا

مشكوره

[فهـد العجمي]

1/ أنشودة كنتي/ كنت , تحبينهآ أيام الطفولة ؟

سنشيروا ههههههه

2/ شخصية كرتونية كنتي /كنت ’تحبينها/ تحبهآ ؟

الكابتن ماجد بس ما كنت اشجعه كنت اشجع بسام اللي ضده ههههه تعجبن شجاعته

3/ كيف كنتي/ كنت ’ أيام طفولتك شيطانية / شيطآني /ولامؤدبة /والا مؤدب؟

لا مؤدب مع شويه شيطنه

4/ موقف عرضتِ فيه أهلك للأحراج ؟

موقف ما انساه كنت بقتل اخوي بالسلاح مير الله سلم

5/ هل كنتِ/ كنت , ذات شخصيه قويهـ أم مغلوبـ (ن) عليهـآ ؟

والله كنت قوي شخصيه بالحيل عنادي

6/ موقف حصل لك في طفولتك كان له دور في تغيير مجرى حياتك ؟


فقدان عزيز ...

7/ أكبر ( عيدية ) جمعتيهآ كم ؟ ,, ومن مين ؟

والله ما اذكر والله

8/ من كـان يدلعك أكثر أبوك ِ أو أمك ؟

هههههههه ماني مدلع والله

9/ إســم كان دلعك بالطفولة ولحد الآن ينادونك فيـه ؟

اذا بدلعوني قالولي فهوود ولا فهيدان

10/ بطفولتك كنتي تبكين إذا ماجلستي/كنت تبكي اذآمآجلست./ بالاول بالطابور أو الفصل ؟

لا عادي اصلا مكاني في الوسط ههههههه جنب اخوياي هههههههه

11/ لعبه موجوده من صغرك وإلى الحين عندك؟

مسدس المويه هههههههه بس الحين مو فيه

12/ وش اكـثـر حلاو كنـتي تحـبينهـ /كنت تحبه؟

اممممم معرف اسمها عليها صوره ابقره وعليها طعم " يدوخني " ههههههههههه

13/ وش اسم أول استاذهـ/ استآذ درستك ؟

الله يذكرة بالخير اسمه استاذ عبد الله

14/ هـل كـنتي تـعانـين/ تعآنيني ,/ مـن اخـطاء فـي مخـارج الحـروف ؟

لا ابد

15/ آخر سؤال .. وش نبزتك ( معيارك ) المعروف فيها وانت/ وانتي صغير/ صغيره ؟؟

اذا بيزعلوني ينادوني باسم بنت كنت احبها وحنا صغار



طيب يالشيخه وين اجاباتش ؟

[ناثرة الورد]

1/ أنشودة كنتي/ كنت , تحبينهآ أيام الطفولة ؟

ماما وبابا حبونى راحو لجده وخلونى و اممم بونياتى بونياتى نعم يماه نعم يماه حقوزكم حقوزكم




2/ شخصية كرتونية كنتي /كنت ’تحبينها/ تحبهآ ؟
ياكثرها منها (( سالي اموت من البجي لاشفتها -هايدي - كابتن ماجد - توم وجيري رسومي المفضل للحين ))



3/ كيف كنتي/ كنت ’ أيام طفولتك شيطانية / شيطآني /ولامؤدبة /والا مؤدب ؟
لا والله شيطانيه يكثر مارحت للمستشفى ياكسر بيدي ياراسي منشق الله يعطي خالي العافيه ويعينه على تعب معي




4/ موقف عرضتِ فيه أهلك للأحراج ؟
طبعا لما كنت بالروضه كنت شايخه ودايخه امي كانت المديره فالمدرسه كل مادخلت الصف تدورني ماتلاقاني اخر شي يلقوني بمكتب امي وقاعده بمكانها واهاوش المدرسه اذا دخلت
فامي مسكينه كانت تتفشل وعقب تطورت صرت اخذ الصبيان ونطلع وطبعا يدورونا نجي بنص الحصه واتفلسف علي المدرسه اقول امي كانت تبيتاعاد اذا هاوشت شغلت صفاره الانذار وقعدت اصارخ الابله طقتني والصبيان يشهدون معاي ليما ذاك اليوم امي هزئتني وراحت هيبتي بس فديت عمرها فشلتها اخر شي نقلتني من عندها



5/ هل كنتِ/ كنت , ذات شخصيه قويهـ أم مغلوبـ (ن) عليهـآ ؟
مره كـذا ومـره كـذا اذا ابي مصلحه اصير المسكينه الفقيره واذا خلصت اقلب الوجه الثاني



6/ موقف حصل لك في طفولتك كان له دور في تغيير مجرى حياتك ؟
وفاه صديقي بالروضه غرقان جدامي الله يرحمه ويغمد روحه الجنه


7/ أكبر ( عيدية ) جمعتيهآ كم ؟ ,, ومن مين ؟
مـن جـدو الله يرحمـه ويغفـرله كـانت 200 دينار


8/ من كـان يدلعك أكثر أبوك ِ أو أمك ؟
والله محد كان يعطيني وجه بطفولتي بس لما كبرت امي لبى قلبها قامت تدلعني عسى الله يخليها لي


9/ إســم كان دلعك بالطفولة ولحد الآن ينادونك فيـه ؟
الغـاليـه << لاني اول وحده اتسمي علي اسم جدتي الله يشافيها ويعافيها


10/ بطفولتك كنتي تبكين إذا ماجلستي/كنت تبكي اذآمآجلست./ بالاول بالطابور أو الفصل ؟
كنت اقلب الدنيا واقعدها لدرجه البنات محد كان يوقف بمكاني لان خلاص احتكرته لي وبالصف لازم اقعد علي اليمين جدام طاوله المدرسه لزوم المساعده من دفتر التحضير مال المدرسه


11/ لعبه موجوده من صغرك وإلى الحين عندك ؟
دبدوبي فديته وهو الحين عند اغلي الناس


12/ وش اكـثـر حلاو كنـتي تحـبينهـ /كنت تحبه ؟
هههههههه حلاوة البقر الحمراء والصفراء ^_^


13/ وش اسم أول استاذهـ/ استآذ درستك ؟
مالكم امل اذكـر


14/ هـل كـنتي تـعانـين/ تعآنيني ,/ مـن اخـطاء فـي مخـارج الحـروف ؟
هههههههههههههههه كان يبيلي مترجم لبدلياتي وكان بيني وبين السين مشكله وثار


15/ آخر سؤال .. وش نبزتك ( معيارك ) المعروف فيها وانت/ وانتي صغير/ صغيره ؟؟
مـاأقـدر اقـول لان مشتق من اسمـي


وان شاء اكون امتعتكم بردودي وماقرقت عليكم

{{ شيخـه الغـلا }}

يعطيج الف عافيه علي هالموضوع الرائع والمميز ..

[شيخة الغلا]

عايض بـ انتظارك .. لاتبطي فهد حلوه رجعتك .. ==>> (( اذا بيزعلوني ينادوني باسم بنت كنت احبها وحنا صغار )) طيب وش اسمها ؟ بروتكول ==>> (( كاكاو بوعيش وعلك ابو رجل وعلك ابو عسل وكاكاو ابو سعبوله )) ياروحي يالمسميات العجيبه ناثره ... عاااشت بنت المديره هههههههههههههههههههههه وربي اجاباتك كلها تجنن تيب فهد راح ارد بعدين

[MSK]

1/ أنشودة كنتي/ كنت , تحبينهآ أيام الطفولة ؟
اغاني هدى حسين في مسرحياتها .. خصوصا مسرحية الواوي وبنات الشاوي

2/ شخصية كرتونية كنتي /كنت ’تحبينها/ تحبهآ ؟
هايدي

3/ كيف كنتي/ كنت ’ أيام طفولتك شيطانية / شيطآني /ولامؤدبة /والا مؤدب؟
مؤدبه .. قليل ما اكون شيطانه

4/ موقف عرضتِ فيه أهلك للأحراج ؟
آممممم دايما اعرضهم للأحراج بالمدرسه ..
كنت ابجي في بداية كل يوم دراسي .. وهذا شي كان يحرج امي مع الاخصائيه ..

5/ هل كنتِ/ كنت , ذات شخصيه قويهـ أم مغلوبـ (ن) عليهـآ ؟
مغلوب عليها .. في اكثر المواقف

6/ موقف حصل لك في طفولتك كان له دور في تغيير مجرى حياتك ؟
الكثير من المواقف تمر في حياتنا الطفوليه ناخذ منها عبره او درس ..

7/ أكبر ( عيدية ) جمعتيهآ كم ؟ ,, ومن مين ؟
360 من أهلي

8/ من كـان يدلعك أكثر أبوك ِ أو أمك ؟
الاثنين

9/ إســم كان دلعك بالطفولة ولحد الآن ينادونك فيـه ؟
.....

10/ بطفولتك كنتي تبكين إذا ماجلستي/كنت تبكي اذآمآجلست./ بالاول بالطابور أو الفصل ؟
لا بالعكس .. احب اكون اخير شي او بالوسط

11/ لعبه موجوده من صغرك وإلى الحين عندك؟
العاب الباربي .. في طفولتي كنت اعشق الباربي .. وللحين احتفظ فيهم

12/ وش اكـثـر حلاو كنـتي تحـبينهـ /كنت تحبه؟
الحلاوه الحمرا اللي على شكل قلب الحب

13/ وش اسم أول استاذهـ/ استآذ درستك ؟
ما اذكر

14/ هـل كـنتي تـعانـين/ تعآنيني ,/ مـن اخـطاء فـي مخـارج الحـروف ؟
لا

15/ آخر سؤال .. وش نبزتك ( معيارك ) المعروف فيها وانت/ وانتي صغير/ صغيره؟؟
آممم ما يطري على بالي ..

شيووخه
تسلمين على الموضوع الممتع
تقديري لج

[شيخة الغلا]

MSK وجودك اللي امتعنا بجد لك ~>

[خلاوي الشمالي]

تسلمين يالشيخه عالاسئله الجميله

انا ماني مجاوب الا اذا جاوبتي انتي..