حب مضى سجلت عنه انطباعي

[فدغوش آل خضير]

هذه قصيدة أرجو أن تنال على رضاكم
ولكم خالص التحية

درب الهوى ماجاب غير التياعـي=أثـر علـى قلبـي وزاد التياعـه
جيته وانا شخص عنيـد شجاعـي=ماهمنـي موجـه وقـو اندفاعـه
تدفعني الامـال والشـوق داعـي=متهقوي( ن) والقلب فيه الطماعـة
حتى ولو مـا لـي وراه انتفاعـي=لكن مثلـي غـارق فـي طباعـه
متولع من عهد سـن الرضاعـي=لا ما حسبت احساب ساعة وداعه
يوم الرسايل جات في كف ساعـي=علـم وكيـد ولا علـوم الاشاعـة
خانتني الحيلـة وصـار اندفاعـي=عثرة محـب مالقـى لـه مناعـه
لو كنت داري ما نزلت بشراعـي=في بحر حـب ماعرفنـا اتساعـه
امسيت ينعاني من الحـب ناعـي=غرقان في بحر الهوى وسط قاعه
لو كان لي قلب ولي عقل واعـي=ما اعطيت لدروب الهوى كل طاعه
حب مضى سجلت عنه انطباعـي=وانا تركته غصب ماهـو قناعـه

وسلامتكم

[الشيخه]

اخى الكريم : فدغوش ال خضير

لاهنت على القصيده الرائعه

لو كان لى قلب ولى عقل واعى ^^^ ما اعطيت لدروب الهوى كل طاعه

حب مضى سجلت عنه انطباعى ^^^ وانا تركته غصب ماهو قناعه

تقبل منى خالص التحيه

الـــــــشـــــيــــــخـــــــه

[الخديدي]

جيته وانا شخص عنيد شجاعـي
ماهمنـي موجـه وقـو اندفاعـه


كفو والله اخوي فدغوش وصح الله لسان شاعرها...

[مهرة النسيان]

لو كنت داري ما نزلت بشراعـي
في بحر حب ماعرفنـا اتساعـه

لاهنت وصح لسانك مليون ,,,

[سعود الخويطري]

فدغوش ال خضير



سلمت وسلمت يمناك وفكرك



وصح الله لسان شاعرها



وتقبل سلامي واشواقي

[فدغوش آل خضير]

الشاعرة / الشيخة
ولا أنتي
كل الشكر
لمرورك الكريم
مع فائق الإحترام

[فدغوش آل خضير]

الخديدي
ما عليك زود
وصح بدنك
لاهنت

[فدغوش آل خضير]

مهرة النسيان
ولا أنتي
وصح بدنك
كل الشكر لمرورك الكريم
مع التحية

[فدغوش آل خضير]

اخي / سعود الخويطر
تسلم يا غالي
وصح بدنك
كل التقدير و التحية

[مسفر مبارك]

الله لايهينك اخوي فدغوش وصح الله لسان الشاعر