.....@@(( مع غازي قلم ))@@.....

[غازي الرسمان]

لحظة كسوف الشمس ماتنفـع شمـوع
حتـى تعـود الشـمـس مــن بـعـد غيـبـه


ياغايـب ماشفـت زولــك مــن اسـبـوع
تـرانــي ادفـــع فـــي غـيـابـك ضـريـبـه


اقضـي هـدوء الليـل ساكـت وموجـوع
ولاراح لـيـلـي قـلــت صـبـحـي يجـيـبـه


وفتحت لي في صفحة الشعر موضوع
وسمـيـت موضـوعـي غـيـاب الحبـيـبـه


وإن كان قصدك ياهوى الروح ممنوع
هــذي عـلـى العـشـاق مـاهـي غريـبـه


حبـك كمـا ورد عـلـى القـلـب مــزروع
عــطــره يسـلـيـنـي بـنـفـحــات طـيــبــه


بـس البـلأ دنيـاك ماهـي علـى الـطـوع
اخــاف مــن ســود اللـيـالـي الغـريـبـه


واسمع خبر حبل الامـل صـار مقطـوع
وقـالـو حبـيـبـك مقـتـنـع فـــي نصـيـبـه


فــي وقتـهـا مـعـذور لوقـمـت بـدمــوع
كـتــم المـشـاعـر بالضـمـايـر مصـيـبـه


ويـاعـود ريـحـان عـلـى جـــال يـنـبـوع
قـلـبـي طـــرى وادنـــات ريـــح تجـيـبـه