الف ٍ اولف من تجارب حياتي = ياعاشق الطولات هذه وصاتي
وياطامع ٍ بالذكر بعد المماتي = اسمع مقالي يابن ذربين الافعال
والباء بديت بذكر خلاق الاكوان = خالق جميع الخلق انس ٍ مع جان
رب ٍ كريم ٍ عالي القدر والشان = وبقدرته منشي ثقيلات الامزان
والتا ترى النوماس يا سامع القيل =ماهو للرجل ٍ بد كل الرجاجيل
ومايالف النوماس كود المشاكيل = ولا ينشرا ياطامع ٍ فيه بالمال
والثا ثلاث ٍ للمنافق علامه = مخلف وعد وايضا كذوب بكلامه
وخاين امانه مايخاف الملامه = حذراك من صحبته ياطيب الفال
والجيم جل الله خلاق الارواح =اليا دعيته مني الهم ينزاح
وتتغير الاتراح والحزن للافراح = غير الله المعبود ياخوك لاتسال
والحا حلالك لا تبذره بصراف = ينفعك في ضيقتك يانسل الاشراف
ويغنيك عن حاجة رديين الاوصاف = ماحك جلدك غير ضفرك بالامثال
والخا خاوي يافتى راعي الطيب = انك عنيته ياابن الاجواد ما تخيب
وفي خوتك ما ياخذك شك او ريب =ذخرك اليامن الزمن يافتى مال
والدال دام الله كفال الارزاق = مالك ولو رزقك ولو طاق طرباق
وباالله رب الكون ياخوك الاوفاق = وغير الذي مكتوب ياخوي متنال
والذا ذم الناس ياخوك غيبه =مارية الناقص بقدره وهيبه
اللي دروب المرجله هي صعيبه = عنده ولا له غير بهتان الاقوال
والرا رحتبي من زماني مصايب= مصايب ِ يصبح بها الطفل شايب
صابر على وقت ٍ اموره عجايب = والله لها ياطيب الفال حلال
والزا زكاة المال حذراك حذراك = وايضا الصدق يا القرم من ما الله اعطاك
المال مال الله خلاق الافلاك = والحال يتغير باالاعمار لحوال
والسين سل عن صاحبك قبل الاسفار = قرم ٍ حمر عين ٍ ولا هوب غدار
واليا استشرته جاب حسنات الاشوار= نشمي سميدع للنواميس مدهال
والشين شاور في امورك حمر عين = ان كان من الاقصين ولا من الادنين
وكب الردي شوره دوام ٍ على الشين = يفداك ذا يا معرب الجد والخال
والصا صلاتك واجب ٍ لا تخليها = عمود دينك باولتها وتاليها
بوقاتها ياطيب الفال تديها = فرض مع السنه عسى الطيب لك فال
والضا ضبط النفس عند العضب حلم = ومن لا ملك نفسه بلا شك يندم
خلك حليم ٍ يافتى عل تفهم = يقاك حلمك من عقيدات الاشكال
والطا طب النفس ياابن المناعير = قرايت القران في حسن تدبير
اجر ٍ عظيم ٍ يافتى خير في خير = اجر ٍ عظيم ٍ ينفعك يوم الاهوال
والظا طاهر لك وللسر علام = ياليت في ربع الردا جملة اوسام
ياكثر صدقان الرخا لا البخت قام = وياقلهم في النايبه للبخت مال
والعين عار ٍ يافتى تصبح بخيل = يصير عبد المال ياابن الحلاحيل
محتاج مالك حيف وتشح باالكيل = المال يبقى وانت للموت رحال
والغين غض الشوف عن شوفت الناس = ولا خلك للحسن الخلق والطيب نبراس
وايضا فطين ٍ ذاهن العقل حساس = وروم المعالي تنزل المنزل العال
والفا فاز اللي رضى والدينه = الله يباركله برزقه يعينه
وان جاه برث ٍ بالوفا طايعينه = والله يحاسبنا على ذر مثقال
والقا قريبك واصله لا تجافيه = ياويل من وصل الرحم هو مخليه
في يوم ما ينفعه امه ولا بيه = ماينفعه ياكود حسنات الاعمال
والكاف كرم ضيفك اللي عنا لك = الضيف ضيف الله مالك حلالك
وشبرك اليامن طال ياطيب فالك = ترفع لك البيضا على راس ما طال
واللام لك ياسامع ٍ لي نصيحه = كب الكبر ان كنت هاوي المديحه
وترى الكبر ياخوك كلمه صريحه = ماريت اللي للطويلات ما احتال
والميم من يصبر على الهون لا عاش =والهون طبع ٍ ياهل الجود لللاش
اما السنافي دوم للمجد معطاش =والحر منزاله طؤيلات لجبال
والنون ناسب روس روس القبايل = عريب جد وعد وابن لحمايل
وزوج بناتك من كريم السلايل = ناسب شريف القوم ومعرب الخال
والواو واجب حج بيته باالاسلام = ان كنت قادر يافتى يابن الاكرام
وصوم رمضان ٍ سعد من له ترى صام = في يوم مالك غير من ربي ضلال
والها هذا الوقت لا تامنه دوم = لو هو صفا لك يابن الاجواد في يوم
عقب السعد تاتيك نكبات وهموم = ما يامنه غير الذي من العقل خال
واليا ياسامع جوابي وقالي = صلوا على خير البشر والرجالي
محمد المختار عد الرمالي = وعداد ما هلت هماليل الخيال
اخوكم / محمد ال الضريره = نجران
29-06-2005, 10:45 AM
العرض العادي
