بعيده هقاويه

[العوووود]

السلام عليكم ورحه الله وبركاته

هذه قصيده أعجبتني وأتمنا ان تحوز على رضاكم وأعجابكم

قصيده لشاعر عويد المطرفي

لي صاحبٍ كنت افتخر فيه وأغليه=ولويطلب أغلى ماملكته عطيته
كذبتهم يوم أنهم عذربوا فيه=وسقت الظنون الناصعه واحتميته
دونه تحملت العتب والمشاريه=وأهديت له جسر النجاح وبنيته
لاكن مع الايام بانت خوافيه=واللي لقوه الربع قبلي لقيته
لقيت حاضر واقعه مثل ماضيه=وضاع الرجا اللي طول عمري رجيته
وبعته من اول سوم لعيون شاريه=وغسلت قلبي من غثاه ونسيته
بعض المواقف فيه خيره وتنبيه=تكشف لك الخافي على مابغيته
والله لو أحيا على الفقر والتيه=أني ماعاد استرجع اللي رميته
أنا العنيد اللي بعيده هقاويه=وأخوي لو يبيعني ماشريته

[موكب]

صح لسانك يا العووود على القصيدة المتميزة لا هنت يا الغالي

[أميرة نجد]

بعض المواقف فيـه خيـره وتنبيـه
تكشف لك الخافـي علـى مابغيتـه
*****
والله لو أحيا علـى الفقـر والتيـه
أني ماعاد استرجـع اللـي رميتـه
*****
أنـا العنيـد اللـي بعيـده هقاويـه
وأخـوي لـو يبيعنـي ماشريـتـه

صح لسانك اخوي العود قصيده قويه وجزلة

[ديمه]

صح لسانك ولسان الشاعر

قصيده جزله ...

لا هنت يالعوووود

[العوووود]

مرحبا والله بالاخ موكب صح بدنك طال عمرك ولاهنت على المرور اللي أسعدني

[الشموخ]

صح لسانك ولسانك الشاعر
وعلى الختيار الرائعه وتحياتي لك

[ابومحمد الشامري]

لا هنت يا العووود على القصيدة الرائعة صح لسانك يا السنافي

[العوووود]

مرحبا بالاخت أميرة نجد صح بدنش ولاهنتي على المرور اللي أسعدني

[العوووود]

مرحبا بالاخت ديمه صح بدنش ولاهنت على المرور اللي أسعدني

[العوووود]

مرحبا بالاخت الشموخ صح بدنش ولاهنتي على المرور اللي اسعدني