بين الرياض وبين شعبان صلبوخ.. شيلة من كلمات الشاعر عبدالعزيز القاسم وأداء الهواوي

[عبدالله آل عامر]

بسم الله الرحمن الرحيم
:
أسعد الله أوقاتكم اخواني وأخواتي أعضاء وزوار مجالس قبيلة العجمان الكرام
:
أقدم لكم في هذا الموضوع قصيدة للشاعر : عبدالعزيز القاسم
:
وقام بأداءها المبدع: الهواوي
:
أتمنى تحوز على رضاكم
:

بين الرياض وبين شعبـان صلبـوخ=هـــج الـهــوى بـيـبــان قـلـبــي وفــــرّه
مـن عيطمـوسٍ فـقّـرت كــل مطـنـوخ=تـكـســر مـجـاديـفـه وتــبـــدا تــجـــرّه
فـزيـت عنـهـا مـيــر عـــودت لـلـنـوخ=وراعي الـهـوى لا طــاح مـاحـدٍ يـســرّه
مغرور ياللـي يعتلـي صـدرك الخـوخ=عـذبــت رجـــلٍ جـايــر الــوقــت مــــرّه
حطيـت قلبـي بيـن أياديـك مفـضـوخ=يـــرجـــي دفــــــاك ولا طـــرى لـــك تـــبـــرّه
خليت عقلي من غثى البين مكفوخ=أنــشــد وراك ولا لـقـيــت لــــك جـــــرّة
يا هيـه وإن كانـك مـن المـال منفـوخ=كــــم واحــــدٍ كــثــر الــدراهــم تــضــرّه
ما همـنـي قـرطـاس بالـلـون مبـخـوخ=مـابـي ســـوى حـــبٍ ضـمـيـرك يـقــرّه
العـشـق بـيـرٍ ورده مـلــوك وشـيــوخ=ولا تـهـتـنــي بـــــه دام تـلــتــح بــمـــرّه
وأنا شربت البيـر وأمسيـت مصلـوخ=مــن مــر مــاه ألـتـف سـيـر الـمـجـرّة
يالله بـنــوٍّ عـقـبـه الـوشــم مــطــروخ=يـــــرزم طــهـــاه وكـــــل خـــــدٍ يـــمـــرّه
وأسلى وأسلي خاطرٍ صابه رضوخ=ويــنــفــل قـــلــــبٍ زوّد الــضــيـــمٍ زرّه

:

:
للتحميل اضغط هنا
:
تقبلوا تحياتي وتقديري
:

[هادي بن فهاد]

الله الله ياعبدالله ال عامر على هذي الشيله الطيبه تسلم يمينك يالسنافي

[عبدالله آل عامر]

الله يسلمك ويطول عمرك يابو فهاد
:

[ابن سحيم]

يعطيك العافية على الشيلة الرئعة وتسلم يمينك جعلة متجية العطب

[عبدالله آل عامر]

الله يعافيك ويسلمك
:

[الغروب]

عبدالله آل عامر

اشكرك على تقديم هذه الشيلة المميزة

وصح لسان شاعرها .

[عبدالله آل عامر]

العفو أختي الغروب وتسلمين على تشريفش
:

[فـهـيـد الــHــتــلانــي]

لاهنت يابوسراج على الشيلة الرائعه ..

[عبدالله آل عامر]

لاندمت يابو فلاح وتسلم على تشريفك يالغالي
:

[ِِِAL 3ajmiah]

تسلم اخوي عبدالله آل عامر ع الشيلـــــة الرائعه

يعطيك العافية ~