مساكم الله بـ الخير
اترككم مع قصيده متواضعه جدا
اتمنى ان تنال على اعجابكم
لكل انسـان بالدنيـا اختيـارى=وانا مثل البشر لـي اختيـارى
انا اخترتك مابين الناس وانتـي=وصلتيني بعد طـول انتظـارى
قبل لااشوفـك النـار احرقتنـي=ومن شفتك طفت بالقلب نـارى
قبل لااشوفـك بواقـع حياتـي=اعيش العمر والدنيـا خسـارى
قبل لااشوف عينـك ياعيونـي=انا محتـار وافكـاري حيـارى
انا قبلـك بغيـت اشـق جيبـي=وابي موتي لو انه بانتحـارى!!
انا واللي رفـع سبـع وخلقنـي=وخلى الشيب للشايـب وقـارى
رغـم هـمٍ طوانـي وامتحنـي=الا اني مارضيـت الانكسـارى
يقولـون العفـو ماعـاد ينفـع=واقول العفـو عنـد الاقتـدارى
يقولون المشاكـل كيـف تبـدى=وانا اقول اول النـار الشـرارى
يقولـون الهـوى شـيٍ مقـدر=وانا اقول الهوى رد اعتبـارى
ولكـن لـو تكلـم مـن تكـلـم=غيـورٍ واه ياكثـر الغـيـارى
غيورٍ ماعـرف طبـع الخيانـه=لو انه شاف بالعين احتضـارى
انـا يافرحتـي يـااول غرامـي=عشقت الحب والفوز انتصـارى
قبل لااعيش واتنفـس حنانـك=واضم الشوق يارهـن العـذارى
اجـر الصـوت واردد بقلـبـي=الا ياليـل يالـيـل السـهـارى
انا اللي من عذابي صرت كنـي=سجينٍ ينتظـر وقـت الزيـارى
همومي كل مااضحك حاصرتنـي=تجيني من يمين ومـن يسـارى
ومن شفتك قبل فتـره قصيـره=رحل همي عن عيوني وطـارى
ماغير افرح ليا ناظـرت عينـك=واغني( هل راى الحب سكارى )
من الفرحه نسيت اللي حصلـي=وكنـي مابعـد ذقـت المـرارى
وصلتيني وانا اللي كنـت تايـه=بحزنـي تـاره وبالهـم تـارى
وصلتيني وحبـك وسـط قلبـي=من اشواقه فتح مكتب عقـارى
احبك يابعـد عمـري وروحـي=وحبك لي مـع العالـم شعـارى
تذكرتـك ولااذكرنـي نسيـتـك=مادامك بانيهـا فينـي عمـارى
انا يـاام الدلـع والزيـن كلـه=ابعطيـك العلـوم وباختصـارى
انا لاشفت صدرك ضم صـدري=اغمض واستحي واقول عـارى
ولاجيت اطبـع القبلـه بخـدك=اذوب شوي وانسـى كـل دارى
ولامنـك خجلتـي لاحضنـتـك=احس ان الهوى لعبـة كبـارى
واذا غبتي عن عيونـي فقدتـك=مثل طيرٍ فقـد لحـم الحبـارى
اذا غبتـي يغيـب الكـون كلـه=ماغير اطريك في ليل ونهـارى
اذا غبتي ذكـرت ابـن الملـوح=وبيتيـنٍ تدمـرنـي دمــارى
امر علـى الديـار ديـار ليلـى=اقبـل ذا الجـدار وذا الجـدارى
وماحب الديـار شغفـن قلبـي=ولكن حب من سكـن الديـارى
حياتـي كـان جيتينـي طلبتـك=ابي تدرين عن حـال الطفـارى
وكان انتي لبستي جنز خفـي!!=كفايـه لعـب بعيـال الفقـارى
سكنتي قصر والشاعـر بشقـه=عجز يابنت تسديـد الايجـارى
ولعلمك كان تبغيـن الصراحـه=قبل عن ذيك الانظـار اتـوارى
ترى ماعندي الا ثـوب واحـد=واظنه بعـد مقطـوع الـزرارى
وسلامتكم
تقبلوا خالص تحياتي وتقديري
اخوكم / احمد الحربي
11-09-2006, 11:51 PM
العرض العادي
المواضيع المتشابهه
