منطقـي والحـال وظروفـي وتقديـر الـرجـال=والخطـا واكبـر عيوبـي ونظـرات العـيـون
والقهـر والخـوف والتفكيـر وادراك المـحـال=والرضـا واخـلاف هقواتـي وتعبيـر الظنـون
والزمـن والحـظ والتبريـر واجفـال الـظـلال=والحزن والحلم واخر صـوت فـي درب الغبـون
والمتاهـه فالبدايـه والنهـايـه مــن خــلال=( ضعف موقف يطعن احمد يووووه ياقو الطعون )
كـل هـذي وقفتنـي عنـد حــدي بالقـتـال=موت راسي في علوه خيـر مـن شوفـه يهـون
كيـف ابحنـي هامتـي والعـز ليًـه راس مـال=عزتـي هـي راس مالـي مايهـم اللـي يكـون
مشكله لاصـرت راعـي طيـب وتشيـل الثقـال=ومشكله لاصـرت ترحـم دايـم وقلبـك حنـون
ومشكله لاصرت شاعـر تملـك لذاتـك خصـال=ومشكله لاصرت عاقـل مالحـق عقلـك جنـون
ومشكله لاصـرت ترسـم بـس ماحولـك خيـال=ومشكله لاصـار قلبـك لـه مضاميـن وشـؤون
في زمـن حتـى الحـرام يصيـر للعالـم حـلال=لو يقول: اخوك اخونك!!! قل: تسويهـا تخـون
في زمن ماعاد تعـرف فيـه عـم وفيـه خـال=لاتكذب مـن يقـول ان البشـر مضمـون لـون
كنـت اقـول ان الوفـاء للحيـن حـي ولايـزال=لين شفت اللي نسوا مـن لبـس بيـض كفـون
اه ياكـبـر المصيـبـه لارضيـنـا بالـهـزال=او تركنا من تهـاون بالـردى واصبـح يمـون
ليه ياغـرب الجنـوب وليـه ياشـرق الشمـال= مانطقنـا بالحقيقـه وانتهـى جـرح الجـفـون
التزمنـا بالسكـات وطاحـت جـبـال وجـبـال= والبـلا ماعـاد ينفـع يابشـر هالحيـن عـون
اتركونـي لارحلـت وطـوًل فـراقـي وطــال= لانصدمتوا لاقريتوا حرف (دال) بشكـل (نـون)
لانسيتونـي وانـا سافـرت مـع ذيـك الليـال=موت راسي في علوه خيـر مـن شوفـه يهـون
وسلامتكم
تقبلو خالص تحياتي وتقديري
اخوك / احمد الحربي
04-09-2006, 02:26 AM
العرض العادي
