إختلف النقاد وعلماء اللغة قديماً و حديثاً في اللفظ والمعنى وألفوا كتباً كثيرة في هذا ، منهم ابن قتيبة وابن رشيق ، على انهم اجمعوا على ان
سرقة المعنى
تعد تعدياً حتى وأن أبدع الشاعر باللفظ ، ولكنهم عابوا بشدة سرقة المعنى واللفظ معاً ،ويستمر مسلسل الأنتهاكات الفكرية و السطو الادبي في
شاعر المليون بنسخته الثانيه
ففي الحلقه الاخيره من شاعر المليون اطل علينا الشاعر عامر بن عمرو بقصيده جزله اعجبت الكثيرين واطربت الاسماع
ولكن الغالبيه لاتعلم بأن القصيده هي للشاعر عبدالرحمن ابا الجيش وقد كتبت قبل 5 سنوات وشارك بها الشاعر بمهرجان ابها قبل ثلاث سنوات
بأمسيه ضمت الشاعر مدغم ابوشيبه ومحمد السهلي ونشرت بشهر شوال المنصرم بمجلة فواصل العدد 209 وقالها الشاعر اباالجيش بحوار في قناة روتانا
فهل عامر بن عمرو الملقب بشاعر اليمن غبي لدرجة أن يسرق معاني وقوافي ووزن(جمع الثلاثه ليته اختار وحده منهم ماكان بقى الا يكتب عامر ابالجيش) قصيده جابت المعموره او الكوره على الاصح
اليكم القصيديتين:
بنات الحور
للشاعر عبدالرحمن اباالجيش
أنــا اسـمع عن بنات الحور وانتي من بنات الحور=لاشافك صدفه الشيخ الجليل اختلت اشعوره
خلقـــك الله من الفــــسفور والألمــــاس والبلــــور=وعليـك اللــول والمرجـان واليـاقوت منثـوره
تـــــوديني ببــــــسمتها ونظرتهـــا وراء لاهــــور= وتاتيبي على راسي من اقصى حد فالكوره
تـراك اسمـى وجل من الشعـر والشاعـر المشهـور= ولااساوم بظفرك كرسي ريس مجلس الشوره
تواعــــدني تواعــــدني ولكنـــه وعـــد بلفـــــور= بعـد كل الوثـايق جـات ترفـع بيـرق الثوره
لونــها قارية مثــلي حــديث العـــابد المــــأثور=ماخلت في العهود ولانوت بالغدر والبورة
أساليبك أمر من الزمان الغابر الممرور=واعنف من حليف سل فالأرقاب ساطوره
مدام أن الثمن عندك تقاطع في ثلاث اسطور=اجل عادي تبيع اغلا البشر بالصوت والصوره
على شانك مقاطع ناس لعبو في حياتي دور= بدون قصور فالأعلام معروفة ومشهورة
مدامك ماتبي ترجع بخطوه لف لف ودور= سياحه داخلية من عسير آل راس تنوره
ولوالقصد ابطلع غير امهلني ثمان شهور= وعيش بقصر عاجي فوقه الأعلام منشوره
انا ماني طباشيره وتمسحها من السبور=أنا مثل العيون اللي بأعلا الراس محفوره
وأنا الشاعر وأنا الفارس وأنا السابح بسبع بحور=وأنا اللي لعمست أشوار ربعة مانعمس شورة
انزلهم على بر الأمان ولاعلي قصور= على يمناي أبومحالة وخنجر وباكورة
ولوافتل عضلاتي على الشعار والجمهور= ليامني نزلت بمنزلٍ ماطارت أطيوره
عسى الله يعمي اعيون الخبيث اللي يغط النور= وعسى المكسور يبطي منثبر ماتجبر اكسوره
ترا صاحبك ياساحبك تالي الوقت قام يخور=وموجاته بعض الحيان مختلة ومفرورة
ومرة يدعم الشرطة ومرة يدعم المرور= ومرة ينسدح في جفرتاً ظلما ومهجوره
ولولا عزوة ادرى زعلها لكشف المستور = وظهر جثتاً من لحدها من عام مقبوره
عرفنا شايل المسك وعرفنا مشعل الدافور = وعرفنا اللي يوصل كل ماصورة بما صوره
هذاك القمه شحم وذاك القمه خابور= وذا اندوسه مثل دوس الحذايا فوق صرصوره
ولامن شفتلي ثوراً معمعم قلت من بثور=الين أوقفه ودقة برمحي على زوره
ياجعله مايصيد اللي يبث الملح لين يثور= ويقعد من وراء الشباك يضحك عند غندوره
هذا ردي على سؤال جا من شاعر مغرور=مايعرف كوعه من بوعه ويرفع بيرق الثورة
قصيدة الشاعر/عامر بن عمرو اليمني المشارك في شاعر المليون
درر فيـها ترانيـم السواقـي واغنيات الـحور=وفيها هدهدات الورد في ريضان ممطوره
ولاجل جمهوري الوافي يردد ماعليك قصور=عفي وسلم ومن مثلك حروفه بيرق ثوره
القــح قافي الفكره ولاتحــاج تسـع شهـــور=دقايق بس من وقتك تصير الكلمه اسطوره
قصيدٍ يرفض اسمال الكلام ويقبر الديجور=كواعب كل كاعب منهن عن ميت قندوره
عشان اضمد الجرح القديم ويجبر المكسور=عقب ذيك الاميره برمي الشعار باموره
يفيق العقد من ليلة سبات وينتظم منثور= وترسم ريشة الدهشه بذهن المستمع صوره
ولامن سورت افزع واهد اسوارها واثور=بعزم الشاعر اللي مايخيب ظن جمهوره
انا المتنبي الاعظم انا الاعشى انا طاقور=انا الابداع بفروعه انا الابداع بجذوره
حروفي تحيي الفجر السحيق وتطلع المأسور= وتكسر قفل يستبل الظلام ويتنهي دوره
يمر العشق في صدري ويخضر كل ضلع بور=ويعشب كل عرق جرهدي وقاع ممطوره
ومن شفه قوارير الحلا يبشر ويادكتور=تقدمها تلألأ ورد ماء في وسط قاروره
علشان الهنوف اللي بقلبي بيتها معمور=غنوج اغصانها تسرف غنج واقول معذوره
ادلعها فراولتي بذوق الشاعر المشهور= واسامرها على شعر البدر وانغام ابونوره
دلعها فطري وكن السحر في فمها مذرور=ولامنها اضحكت قلت البنيه جد مخموره
صباح الضحكه الطفله بلون التوت والبلور=صباح انفاسك الجوري وريح انفاسك اعطوره
صباحٍ يلزمك عطره ويهدي لك ارق شعور=مشاعر شاعرٍ شعره هو اعذب شي في شعوره
هواجس في هوى الحسنا تسوق مهور تلو مهور= وشاعر كل ماغنى تردد خلفه الكوره
ارجو عند نقل الموضوع ذكر المنتدى واسم كاتب الموضوع
دمتم بود
30-03-2008, 01:09 AM
العرض العادي
المواضيع المتشابهه
