واللي عقد روس الحبال يحلها....اقرب شاعر

[مشراف]

ياسلام الله سلامن فالجزل دايم يبدي =يستذل ابهيبة الرحمن والعالم في ظله
من لقا خمسة خيولن وسط مضمار التحدي=واحدن ماله محل و واحدن ثبت محله

[بندر العجمي]

مرحبا والله يحي شاعر من صلب جدي = في ثرا مجلس قبايل يام دوله مستقله


الخيول اللي على الميدان تسرع ثم تهدي = كود خيال الكحيله يعرف الدرب ويدله

[هادي بن فهاد]

الله الله

صبحك بالخير يا مشراف, صح السانك والله يحيك



, بندر العجمي صح السانك واسعد الله صباحك

[مشراف]

دام مردودك تراحيب البقا مضمون ردي
مجلسن من جاه يبري ياصحيبي كل عله
وانت ياسبّاق كانك عارفن مزحي وجدي
وانا مزاحن ولا تاكل علي الجو كله

[مشراف]

الله يصبحك بالنور ياهادي والله يبقيك


مرورك عذب وكلامك عطر

[بندر العجمي]

مجلس العجمان سجل حقبه لمجدك ومجدي = وانت بطوي صفحتك ياصاحبي طوي المجله

ليت مشراف(ن) يميز ويش حره ويش بردي = ثم اعجج جوه الصافي وابا احطه واشله

[مشراف]

مجلس العجمان في صفي وقف في وجه ضدي
وسيفي يابندر ليا ماطعتني والله لاسله
طالبش صوب الهزيله ياعيوني لا تلدي
وانت وين ادموع عينك مابقا دمعن تهله

[اسامة]

ياسلام ياسلام

محاورة من العيار الثقيل

صحت افكاركم

[بندر العجمي]

مجلس العجمان مايقبل سكاريب تصدي =موتر هرقل على نص الدروب المستهله

الوعد في المقبله واعلمك حدك وحدي =والصرافه سوقها طايح وطيحنا الاهله

[بندر العجمي]

هادي واسامه

ارحبوا والله لايشينكم ومتابعتكم تشرفنا

الغالي مشراف
الختم عندك وصح الله لسانك
والوعد في المقبله ان شالله