ملحمة العجمـــان ( مرازيقٍ محزّمة القنازع )

[مناحي الصميل]

اضع بين ايديكم هذي المتواضعه

لعل وعسى ان تنال على اعجابكم

قصيده في بني عمي طويله = على الصخري .. أحاول وأرتكي له
بني عمي سلاطين المجالس = شياطين الوغا عزّ القبيله
نزلنا (والطويل) يقود جَمعه = رجالٍ من سلالاتٍ نبيله
سكنّا في رحى وادي يهوّل = وكلٍ بالشدايد يحتمي له
وفي ليل (العيينه ) والبنادق = بطشنا في فهد ويّا عميله
خذينا ثار ضيدان ابن خالد = ومن يغدر بنا ياعزّتي له
تشوف الجمع يمناك ويسارك = مع خيلٍ تعلّى في صهيله
تفجّ نحور فرسان ومشايخ = وكلٍ بالوغا خلّى خليله
وفي (جوده) مع (كنزان) نفخر = وبالهيجا فعايلنا جزيله
(سفارين) المراجل والكرامه = هل الطوله فعايلهم جميله
(نواجع) للزمن عزّ وشكاله = مكانتهم على راس الطويله
(بني هادي) طحاطيح المجالس = رجالٍ ماتعرف المستحيله
(صوالح) ياسعد منهم سناده = رجالٍ ماتعذربهم فشيله
(وآل سلبه) زيازيم الحرايب = رجالٍ مايعرفون الهزيله
(وآل ريمه ) مشاكيل ودواهي = ليا ركبوا على سرج الكحيله
مع (آل لزيز) نفخر في نسبنا = ليا ثار الفشق قدح الفتيله
(شوامر) لا أعتلى صوت البنادق = كبود اللي يحاربهم عليله
(هتالين) الحرايب والمعزّه = ومن يغزي عليهم طاح حيله
(محافيظ) الكرم والجود فيهم = ومدحي في فعايلهم قليله
(ضواعن) هم بعيدين المغازي = سمات المرجله فيهم جليله
(وآل مصرا) صناديد الفعايل = رجالٍ مايعرفون الثقيله
(وآل حبيش) ذربين المعاني = وكم شيخٍ تعجّل في رحيله
(وآل خويطر) رجال الملاقا = وكم شيخٍ رجيله ما تشيله
(آل سليمان ) زبن المجرمينا = سيوفٍ للعُدا دايم صقيله
(وآل وبير ) فرسان الصعايب = كما وبلٍ تحدّر من مخيله
(وآل مفلح) مصاعيط المجنّن = يعاون صاحبه دايم يعيله
(وآل عرجا) اجاويد وأكارم = الا يا ويل غازيهم ياويله
مرازيقٍ محزّمة القنازع = وياميّه خناجرهم سليله
سلام الله على يام العريضه = سلامٍ يعتني لي واعتني له

وسلامتكم


مناحي بن فهاد الصميل

[عجمي ولي الفخر]

صح لسانك

وعزالله انها قصيده جزله وطيبه

ونادرك دايمن جديد

لاهنت

تحياتي ..

[مبدع الوادي]

بيض الله وجهك ويستاهلون لابة ماغيره لابة والله يديم العز بين القبيلة عرجاني وراس شايش

[سعود الخويطري]

مناحي الصميل



مرحبا ومسهلا والله يحيك في محلك



صح الله لسانك ولاهنت



وسلمت وسلمت يمناك



وتقبل سلامي واشواقي

[ايمن اليامي]

مناحي

صح الله لسانك على هذه

الجزله ونعم الرجال ما ذكرت ونعم القبيله ما اشدت

لا دعمتك

تقبل تحياتي

اخوك الشاعر

ايمن اليامي

المحترف

[مناحي الصميل]

المشاركة الأصلية كتبت بواسطة عجمي ولي الفخر

صح لسانك

وعزالله انها قصيده جزله وطيبه

ونادرك دايمن جديد

لاهنت

تحياتي ..

ارحب ارحب

صح الله بدنك طال عمرك

وما الجزل الا مرورك طال عمرك

حياك الله

[مناحي الصميل]

المشاركة الأصلية كتبت بواسطة مبدع الوادي

بيض الله وجهك ويستاهلون لابة ماغيره لابة والله يديم العز بين القبيلة عرجاني وراس شايش

ارحب يالعرجاني

ووجهك ابيض طال عمرك

والله يديم المعزه

لا هنت على مرورك يالشيخ

[مناحي الصميل]

المشاركة الأصلية كتبت بواسطة سعود الخويطري

مناحي الصميل



مرحبا ومسهلا والله يحيك في محلك



صح الله لسانك ولاهنت



وسلمت وسلمت يمناك



وتقبل سلامي واشواقي

ارحب يالخويطري

والبقاا بك طال عمرك

وصح الله بدنك

ولا هنت على مرورك يالسنافي

[مناحي السفراني]

السلام عليكم ورحمة الله

لاهنت يابو فهاد على القصيدة الجزلة
وبيض الله وجهك

وننتضر من الجديد
وعسى الله يوفقك في مسيرتك الشعرية

[مناحي الصميل]

المشاركة الأصلية كتبت بواسطة ايمن اليامي

مناحي

صح الله لسانك على هذه

الجزله ونعم الرجال ما ذكرت ونعم القبيله ما اشدت

لا دعمتك

تقبل تحياتي

اخوك الشاعر

ايمن اليامي

المحترف

ارحب يا أيمن

صح الله بدنك طال عمرك

وماعليك زود

ولا هنت على مرورك الكريم