المكلماني

[علي العرام]

السلام عليكم

والله اني قد تعلمت الحروف وما تبوح = وان تدليت الرعونه ما عرفت الابجديه
لايميني في الصبايا مالهم قلب وروح = وانا قلبي فيه هفه وان تحالته النقيه
شاعر ينقى ويقسى لو تمايل للوضوح = عارف اني مكلماني لو لساني فيه كيه
وش دعاني غيرك انتي اتكلم بالمزوح = واتكرفس واتعفس لا بذيه ولا بذيه
اسمع بصوتك تحالي كنه الصوت الجموح = بت اخشى واتحاشى كلمة ماهيب زيه
احتمت من هرجك اذني بكل ما فيني يبوح = علمتني وتممت لي مع كتوفي المهمهيه
اكثريتك اللطيفه والغنج منك سفوح = والدلع رتبه طيشك مع مباديك القويه
اعرف اني امتكرفس لو تكثر بالشروح = دايخ وسايح ورايح من عواقبك السليه
افدي الكلمه برسمك افدي هالصوت البحوح = افدي همسك افدي كلك يالعنود النرجسيه
وافدي الضحكه ياغالي لو تعاليت الطموح = هذا قلبي فيه هفه من بقايا العنجهيه

من هنا يبدا الرقم تحياتي

[ولــد الشرقيه]

صح لسانك يالذيب

جزله من جزله

ويعطيك العافيه

[علي العرام]

صح بدنك يالصامت واسعدني مرورك

تحياتي لك

[طيرالشيوخ]

صح لسانك " من هنا يبدأ الرقم "

يعطيك الف عافيه .

ابيات فيها قوة وجزاله لاكن ما أسغرب لان "الشاعر كبير"


شكرا لك اخوي

تقبل تحياتي

[علي العرام]

صح بدنك

طير الشيوخ اسعدني مرورك يالسنافي والله يعافيك

وان شاء الله نكون عند حسن الظن تحياتي لك ..

[عبدالله الوعيلي]

صح الله لسانك يا من هنـــــا
والله يعطيك العافيه



ارق التحااايــا
سلالالالالالالالام ..

[علي العرام]

صح بدنك يا عبدالله واسعدني مرورك والله يعافيك

تحياتي

[سعود الخويطري]

صح الله لسانك


وسلمت وسلمت يمناك وبوحك يالقرم

[علي العرام]

سعود الخويطري صح بدنك شرفني مرورك

تقبل تحياتي

[مزون يام]

:thumbs_upصح لسنانك يابو محمد

وعلى الثاني عانك