بسألكَ يادُنيٍا سُؤْال بسْ صارحٍيٍنٍي ":ْ~ ( خواطر + بوح مشاعري)~

[EmpeRoR]

يا الغايب اللي غابت سنيني معاك .
يا جعل ما جاني من الفرقا يجيك .

استغفر الله / جعل ماجاني فداك .
حتى لو ان نهايتي .. على يدييك!

مسامحك .. واللي بقوله في قفاك.
خيرك كثير .. ويرحم الله والديك .

كنت السما في عيني وعيني سماك.
كانت حياتي كلها منك واليك .

كنت بيديني مير مدري من خذاك .
حسبي على تقصيري وحسبي عليك .

لكن ما يخفاني ولا اظن يخفاك .
حقي عليك .. انّك تطمنّي عليك.

[EmpeRoR]

طفلة تسولف لي عن الحـب... بشويـش ..
وانا كذا .. ب شويش ../ مجنون ... طفلة !

لاقلت ( احبش بس ) .. صفت لـي الجيـش !
جيش الرموش ... اللي غزتنـي بغفلـه !

وقالت بهمسة ذايبه... (أممم بـس ايـش ) !
و ( الأممم ) هذي بـس ياخـوك .. حفلـة !

سكت ! قالت : ( هيييه من دون .. تطنيش ) !
ومافيه عرق ٍ ... بالجسد ..../ ماعزف له !

( اموت بش ) / قالت : ما توكلك ... عيـش !
تعبت الاقي ... ( مفردة ) ...... تنوصف له !

طفلة يجرح .. خدهـا ... ملمـس الريـش !
حتى .. ( الخطا ) ... لا سوته .. ينتصف له !

علمتها : إن الأماني لها .......... طيـش !
وعلمتها : ان المواعيد ............ جفلـه !

دنقت ! طاحت دمعتي واصرخـت : ليـش !؟
قلت : التعب ..... يابنت غصب انجـرف لـه

[راعية اطيب قلب]

امر من صفحاتك وأقف أمامكـ .. صامته..

من جمال ما أراه

حسن أبداعكـ وصياغتكـ المتقنة ...

وبوووح قلمكـ نثر ما قد يجول في الأنفس دون استشعااار

هزززز الوجدان وتزلزلت البقايا الراكده منذ العصور .....

لكـ مني كل التقدير على جمال طرحكـ

[EmpeRoR]

اسعدني تواجدش ..
وشكرا على الكلام الرائع اعتبره وسام على صدري

لمرورش

[EmpeRoR]

بصوم بكره يعني مابغي اشوفك
صم جعل ابيك الجنه ... ولاتحاتي

الله يسلي خاطري من طيوفك
اخاف اجيب العيد ... قدام ياتي

[EmpeRoR]

أنت ياللي تشاكى من سوايا هبيل
لاتساير عليل الناس في علته

صم وصل وتقرًب في شهرنا الفضيل
وخل خبل العرب يلعب على خبلته

[EmpeRoR]

بين الممرات / والحانات / واللوبي
وصوت الموسيقى وورد مالي السله

لا الجوي جوٌي ولا الاسلوب اسلوبي
آسف ياذاك القوآم وزاهي الطلة

كل ماتفكرت فيك ..( اتذكر ذنوبي)
واغض طرفي ونفس الشوق معتله

وانا (بدائي غلا) .. ودروبي دروبي
آسف على نظرتي وآسف عل الزله

من كثر ما احب وآعشق وجه محبوبي
آشوف وجهه .. مابين وجيه خلق الله

[EmpeRoR]

انا لو إني في حياتي مخيٌر
ماكان خليتك وأنا خاطري فيك

انا مسيٌر وانت مثلي مسيٌر
تبيني وتقفي : وأقفي وأنا آبيك

[EmpeRoR]

لـبٌيـه يازول(ن) شطر قلبي شطر
سريت معْ شوفه ولاكنٌي سريت

إمقابله ؟ في عيد الأضحى والفطر
فيه الفرايد تنتحي له بيت ,بيت

ياليتني عنده مواطن في قطر
أو ليته يجيني ويسكن فـ / الكويت

[EmpeRoR]

يادفى الاحساس لو زاد اهتمامي
من بعد شعبان / ودي لو تشطر

أنت صوتك فيه مايجرح صيامي
كيف آبصبر عنك لو جيت متعطٌر

آبعد آبعد لانجيب العيد حامي
إعرف إن الشٌوق لا من زاد فطٌر