( تبيع لك ناقه أو تبيع لك شاه&أقطع ايديني ان

[محمد فهد العرجاني]

مساء الخير والعافيه والعلم الطيب...



بويتات متواضعه للتواصل وعسى ان تشفع عن الغياب...



صلو على النبي,,,,,,,,,,,,,,,,,,,,,,,,

القلب حدته الطواري على اقصاه= ياشينه ان حدك على الضيق حادي
ماهو على فرقى الهنوف الخونداه= ولاّ تدهور وضعنا الاقتصادي
لا والله الاّ شي صعب اتهجـّاه =لكن بقوله ياطوال الايادي
كان الله بعون الحروف المقفـّاه=العود الازرق ضاع بين الدوادي
والطيب مات ولابقى غير ذكراه= يرحمك ربي يازمان المهادي
وقتٍ به الطيّب تعزه مزاياه=ماهوب وقت مضيّعين المبادي
واليوم جاه الناس كنـّه نقص جاه=والسالفه مابين مهدي وهادي
أخترقو أنظمة القلوب المغطاه=الله يعينك ياشريحة فوادي
ليلٍ سريته ياعرب طول مسراه=قمت اتفكـّر فالمدن والبوادي
الجدي كنـّا نسبره ونتقـدّاه=واليوم ماكنه لنا كان هادي
ياقل من دلـّو وياكثر من تاه= واللي بدى بالطيب ماكنه بادي
به شي يشرى وشي ياصعب مشراه= يشرى ولكن بالسيوف الحدادي
تبيع لك ناقه أو تبيع لك شاه=أقطع ايديني ان قيل وين انت غادي
لكن منهو باع وجهه وبرضاه= هذا اللي وضعه وضع ماهوب عادي

سوالم

[مهرة النسيان]

اللهم صلي وسلم وعليه ..

صح لسانك يالعرجاني وعلا شانك ولاهنت ..

[راشد العتل]

محمد فهد العرجاني..
بوفهد يامرحبا ومسهلا والله
صح لسااااانك ياصايغ الجزله

قصيده جزله من راس جززززل
اسجل اعجابي بها ومترقب جديدك طال عمرك

تحياتي وتقديري لك
ابومحمد

[الملكة]

والطيب مات ولابقى غيـر ذكـراه---يرحمك ربـي يازمـان المهـادي
صح لسانك..محمد فهد العرجاني..
والله لا يخلي الطيب من زمنا..

[مسعطر]

المشاركة الأصلية كتبت بواسطة محمد فهد العرجاني

و الطيب مات ولا بقى غير ذكراه= يرحمك ربي يا زمان المهادي
وقتٍ به الطيّب تعزه مزاياه=ماهوب وقت مضيّعين المبادي
واليوم جاه الناس كنـّه نقص جاه=والسالفه مابين مهدي وهادي

صح لسانك أخي محمد العرجاني .


و حياك الله بعد الغيبة وإن شاء الله ما غيبك عنا
إلا كل خير.


بس عندي نقد بسيط للأبيات المذكورة أعلاه.
و أرجوا أن يكون صدرك رحب.

الطيبين عادهم ولاهوب منتهين.


و إن شاء الله إنك منهم.

ما سمعت الشاعر اللي يقول :

لا زال في الدنيا رجال طيبين=شيوخن معودتن ألذي و أمثالها
إليا تبرّت اليسار من اليمين=ما للثقال إلا ظهور جمالها

و أحب أشكرك على ذا البيت

لكن منهو باع وجهه وبرضاه= هذا اللي وضعه وضع ماهوب عادي

[الشيخه]

اخى الكريم والشاعر الرائع

محمد فهد العرجانى

صاحب المفردات الرائعه والجزله ولا يجى منك قصورو(( بنتظارك دائما ))

صح اللسانك مليووووووووون ولا هنت

نترقب منك جديدك الرائع

تقبل منى خالص التحيه

الــــــشــــــيــــــخه

[الفرس]

أخترقو أنظمـة القلـوب المغطـاه

************************الله يعينـك ياشريـحـة فــوادي

ابيات رائعه رائعه

ياقل من دلّـو وياكثـر مـن تـاه

***************************واللي بدى بالطيب ماكنـه بـادي


لاهنت على جزل الابيات

والله يغسل لك النضره ذي لنضره ترضيك


تقبل مني التحيه

[عبدالعالي العجمي]

صح لسانك ...يامحمد العرجاني على القصيدة الجزله ولاهنت .

[فهد بن محسن]

اررررررررحب


يابو فهد

وماطول من جا


صح لسانك ولا هنت على هذه الرائعه

تحياتي لك

[اميرة الرووح]

اخوووووووووي محمد تسلمم