سلام عليكم ورحمة الله ،، تفضلوا هذه ابيات متواضعه جدا لتقديمها الى والدي العزيز حفظه الله والعذر على قلة المشاركه
لاسلهت لعيـون برمـوش جفنهـا غافـي=اجفون عيني من عناها في المنـام معيـه
قمت وتركت لحافي لنفس المكـان لحافـي=وخذيت أكرر خطوتي روحه هنـاك وجيـه
ونفسي حداها من ديار أهل النفاق عيافـي=لامن طـرت لـي ديـرة ربعانهـا ياميـه
يرزم لها قلبـي حنيـن ولهفـة وايلافـي=وقلبي يتله للسفر فـي كـل ساعـه نيـه
ماني بمنهو للوطن وديـار ربعـه جافـي=سافر مغير جوها ثـم نسيهـا لـه الحيـه
ياعل نـو مـن ظلامـه كاسـي غيافـي=يحيي عربها حـس رعـاده وبـرق نويـه
ويضفي بردها في ثراهـا لونـه الشفافـي=وبنة شجرها في هواها ترد روحـي فيـه
من بعدها كل القصايـد يانسـل الاشرافـي=من هيبتك صارت تسجـل للشعـر مرثيـه
لاهو يجملنـي القصيـد ولايفيـد اسرافـي=وكل القصايد ودها تبنى على آفـي وايـه
ياقاف بلغ لي سـلام عـد رمـل السافـي=واعداد ماينعد من الاعـدادا فـوق الميـه
للي السعادة شوفته صوته بسمعـي كافـي=كافي يسلينـي مـع الغربـه خبـر نابيـه
شيخ يجمل في المحاضـر منـه الوقافـي=رجل وقـاره فـي قبالـه هيبـة وماريـه
ياقاف تكفـى بلغـه منـي سـلام وافـي=وحبه على راسـه وقبـل ركبـة وايديـه
ياقاف بشرني عسى مابه عليـه اخلافـي=هو تاج راسي هو سعف قلبي غذاه وريـه
يابه عليك ارسل سلامي من ضميري صافي=مثل الشهد لازل نوبـه مـن كبـار خليـه
يارمز ماضين الشيوخ جدودنـا الاسلافـي=ذخـر القبيلـه قاصـي العـدان والعانيـه
يابه زمنا فرصته تبخـل علـي باسعافـي=والبعد ماهو عذر بـس الله علـى طاريـه
يابه خذانا الوقـت نطـرد حظنـا بالهافـي=من أوله وانا عجـل شفـق علـى تاليـه
وأيامنا يابه بدون رضـاك سـود هيافـي=مثـل المطايـا بالهيـام عظامهـا مبريـه
رحمة رضى قبلك تخضر بالقلوب اريافـي=مثل المخال اليا هما وبلـه علـى مسنيـه
رضاك يغفر ذنبي الظاهـر وسـر الخافـي=امـر عظيـم منزلـه ربـي علـى نبيـه
ربي قضى بعبادته الاولـى دواي الشافـي=وبالوالدين احسان لطـف القلـب والحنيـه
ياقاف أبي لامن وصلتـه بلغـه بالهافـي=وحبه على راسـه وقبـل ركبتـه وايديـه
وسلامتكم ،،،
28-07-2006, 01:25 AM
العرض العادي
المواضيع المتشابهه
