العنصـريّـه ..!!

[راشد الذويب]

السلام عليكم

وكل عام والجميع بخير وسعاده ..

تناصف ليلي .. و عينـي سهيـره=ولا ادري هو .. قـدا والا خطيّـه
سهرتك يا مسـاي .. الله يعينـك=على خـوة .. خويـك يـا خويّـه
سهرك ايدوّر .. لـ.. حظّه مقـدي=وعطـاك المرتبـه .. والافضليّـه
عساك تساعده .. دامـك شويـره=علـى بلـواه .. والدنيـا دنـيّـه
تعـال اعلمـك .. علـم ٍ علمتـه=عن حروف .. القصيـد الابجديّـه
جيوش من المعاني .. وسط راسي=ترجّانـي تبـي .. نبـذه ثـريّـه
تقول اسلم وانـا .. مانيـب كـاره=ادوّرهـا .. قبـل تلفـي علـيّـه
ادوّرهـا وهـي .. منـي وفينـي=وجلست أعدها .. حسنـه وسيّـه
وارتب لي .. هواجيـس ٍ تسابـق=على المعنـى .. عزايمهـا قويّـه
احايلهـا ولـو .. انـي خفـيّـف=غدت بي فـوق .. حـد الجاذبيّـه
وافكر في ظروف .. الوقت واضحك=ولا يضحك .. سـوا شـر البليّـه
واول شيء في .. الدنيـا طرالـي=عيـون ٍ طبعهـا .. دايـم شقيّـه
يخاتلها الحزن .. في كـل ساعـه=وتابئ دمعـة .. العيـن العصيّـه
نزولٍ يُخضـع .. الـرأس ويقتـل=شموخاً عاش .. في النفس الأبيّـه
وعرفت ان دنيتي .. لو هي عطتني=بترجـع تاخـذ .. وذيّـه بـذيّـه
وانا والله شايـم .. مـن عطاهـا=مـادام آخـر .. عطاياهـا المنيّـه
لكـن أجمـل .. عطاياهـا بعينـي=وأفضل مدّهـا .. و أحـلا عطيّـه
فتاة ٍ يـا عسانـي .. مـا خلاهـا=خذتنـي بالغـلا .. والعنصـريّـه
وصرت العنصري .. في كل حاجه=اليهـا أنتـمـي .. هاليوسفـيّـة
وانا الي قبل .. اشوف عيون خلي=كأنـي عـايـش ٍ .. فالجاهلـيّـه
ورضيت بمـدت .. الدنيـا بعدهـا=وعرفت ان .. قربها اعظم هديّـه
عرفت الحين .. راشد وش طرالـه=عطاك المرتبه .. والأفضليّـه ..!!
عشانك تجمـع .. العاشـق بخلّـه=وعشان كفوفك .. لروحـه نديّـه

0 راشد 0

[عبدالله بن شيبان]

لاهنت وصح لسانك يا راشد

كلام جميل بيض الله وجهك

[الشيخه]

راشد


صح الله اللسانك قصيده رائعه وجزله

ابدعت فى ما صغت

بانتظارك من جديد


تقبل منى خالص التحيه


الشــــــــيـــــــــخه

[الاب الروحي]

صح لسااااااااااانك

بنتظار جديدك

ودعتك الله

[فـارس]

راشد الذويب

صح الله لسانك على ذا القصيده الجزله

ونتمنى ان لا تحرمنا جديدك

وتقبل مروري

[فهد بن محسن]

الاخ الشاعر


راشد الذويب


صح الله لساااااااااااااااانك ولا هنت يابو مسفر على هذه الرائعه


جزل ومبدع كالعاده

تقبل مروري


مؤدتي لك

[محمدالنادر]

الاخ راشد

لاهنت وصح لسانك

على هذه الابيات

الجميله

تقبل مرور

اخوك

محمد النادر

[سعود الخويطري]

راشد الذوويب



صح الله لسانك ولاهنت



قصيده جزله من شاعر جزل



تقبل سلامي واشواقي

[راشد الذويب]

صحت قلوبكم جميع ولا هنتوا وبيض الله وجيهكم على المرور والتعقيب

ودمتم بصحه وسعاده

[خلاوي الشمالي]

لاهنت وصح لسانك

تقبل مروووري