قــصه أبكتني .....!!

[ولــد الشرقيه]

بسم الله الرحمن الرحيم
السلام عليكم ورحمة الله وبركاته
قصة منقولة



القصة صارت على إحدئ شواطئ الخليج

فيه اثنين شباب راحوا البحر جلسو على الشاطئ ومعاهم عشاهم. وهم جالسين يتعشون جتهم عجوز كبيره في

السن وقعدت تلقط الأكل المنثور على الأرض وتأكل. ولما شافوها قالولها أنتي جوعانة قالت أنا هنا من الصبح

وماأكلت شئ جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء

وتعشت. وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون

العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي

ياخذك . قالت العجوز إيه معي الرقم في ورقه . ولما طلعت الورقه . ايش تتوقعوا مكتوب فيها ؟؟؟؟؟ مكتوب ( من

يجد هذه المرأه يآخذها لدار العجزه) انصعقوا الشباب من المكتوب في الورقة وجلسوا ساعة يترجون العجوز

تمشي معاهم. ويحاولون فيها إنهم يوصلوها أي مكان هي تبيه . أكيد العجوز رفضت أنها تروح معاهم لأن ولدها

وعدها إنه يجي يأخذها وتبي تستناه لما يجي.وكانت تقول ولدي راح يجي يآخذني وأنا راح استناه . > >ماتدري

المسكينه إن ولدها تنكر لها ورماها في الوقت الي هي فيه محتاجه له.المهم راحوا الشباب عنها وأتركوها على

أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في

مصير العجوز المسكينه وقام من فراشه وغير ملابسه وركب سيارته وراح للشاطئ. ولما وصل. شاف الاسعاف

والشرطة والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له

أرتفع معها الضغط وماتت. ماتت من خوفها على ولدها يمكن يكون صار له شئ. ماتت وهي تستنا ولدها يجي

يآخذها.

ماتت وهي بعيده عن أهلها. الله يرحمها برحمته ويدخلها من أوسع ابواب جنته.أدعوا

معي آمين

اخووكم
فالح العرجاني
(( الصامت ))

[السنافي]

لاحول ولا قوة الا بالله

الله يغفر لاموات المسلمين اجمعين

والولد بيلقا الجزا من اولاده

بنفس الاسلوب او اكثر

الله يحسن خاتمتنا ويصلح ذريتنا

[ولــد الشرقيه]

الله أم أمين

السنافي لاهنت فديتك على المرور بالمتصفح

شاكرلك مشاركتك

[أميرة نجد]

قصه محزنه احياننا يكون العقم ارحم من هكذا مصير

[ولــد الشرقيه]

كلامك صحيح أميرة نجد

مثل ماتعامل والديك

عيالك يعاملونك مثل معاملتك لهم وازود

واحنا مأمورين بالبر في الوالدين

يعطيك العافيه أميرة نجد على المرور بالمتصفح

[أريــــ قـطـر ـــــام]

لا حول ولا قوة الا بالله ..

الله يرحمها ياارب ..


دموعي تنزل وانا قاعده اقراها والله ...


بس راح تدور الايام وراح يشوفها بعياله وبيندم ..


مشكور اخوي .. سايلانت .. ويعطيك الف الف عــاافيه

[ولــد الشرقيه]

الله يعافيش اريام

على قولتش

راح تدور الايام وراح يشوفها بعياله

يعطيش العافيه على المرور

[المرزوقي]

اخي الغالي / SiLeNt





تسلم يالغالي على هاذي القصه المؤثره


وسيأتي اليوم الذي سيندم هذا الشاب على فعلته في الدنيا والاخره


الله يرزقنا واياك بر الوالدين

تحياتي لك

[ولــد الشرقيه]

اللهم امين

المرزوقي يعطيك الف عافيه على المرور