ياللي عرضتي عنوتن بدروبي = العيب عيبك والذنوب ذنوبي

[ابو مسفر]

السلام عليكم ورحمة الله وبركاته






الشاعر ياسر التويجري

ياللي عرضتي عنوة ٍ بدروبي =العيب عيبك والذنوب ذنوبي
ياللي جمعتي فيك مالا يجمع =لاتشبحين بوجهي المشحوبي
تشتتي مثل شتات امتنا =عقب صلاح وعمه الايوبي
وتجمعي مثل تجمع ربعي =على الشرف والرفق والماجوبي
خلي عنبك يصير طولي وانتي =اليا احتظنته لو سمحتي ذوبي
ذوبي مثل احساسك التلقائي =لاقمت اغازل مسمعك باسلوبي
تنخبوي مثل قصايد غازي =وتشعبي مثل خليل النوبي
ياليت في جوفي قلوبٍ واجد =عشان احبك في جميع قلوبي
نعم احبك حب ماهو عادي =حبٍ من اقصى خافقي مجذوبي
حبٍ كثر ماذقت واتحملته =من سرمدٍ في ليلي الأثيوبي
وكثر ما حنا فالعرب املنا =ولا استفدنا غير بار و لوبي
واكثر من اعداء النجاح الفردي=ياللي على صدور الصحف قالوا بي
أرجوك ياعين العديم الصافي =لدّي ., ليا مني دعيتك صوبي
لا جيت أبنسى مامضى وأطنش .=تطري علي ذكراك يامحبوبي
نظارتك وأشياءك المركونه =وسوارتك وألماسك المكلوبي
وكتابك اللي فهرسته عروقي =وعروقك اللي فهرست مكتوبي
الصدر بيتك والضلوع ضلوعك =نامي على جنب السعد بجنوبي
ولأيقضك قلبي وحن وصوت =مغلوب وهذي حيلة المغلوبي