ربعي ضنا مرزوق عجمـــان عجمـــــان

[العوووود]

السلام عليكم ورحمه الله وبركاته

وأسعد الله اوقاتكم بكل خير

الحقيقه انا فالفتره الماضيه انقطعت من المنتدى لضروف خاصه

وياعلم الله انكم على البال جميع واليوم جيتكم بقصيده مدح في قبيلتي العجمان وانا على يقين أني مهما مدحت وكتبت مراح أوفي هذه القبيله حقها وأهديهااا لكم جميع وعسا ان تنال على أعجابكم

كريم يامنزل من الغيم ودان=على فياضن زايفات النواوير
جاها الحيا بارق وراعد وهتان=وعم الفيافي كلها بالشخاتير
يفرح بها من كان هالك وضميان=ويطرب لها راعى الغنم والمضاهير
وتناقلو علم الحيا بين الاوطان=وساد الفرح مابينهم بالتباشير
ومن عقب ذا بجيب زينات الالحان=في مدح ربعن كلبوهم مناعير
قالولي أمدح راعي المال سلطان=حتاه أيعدل حالتك بالدنانير
قلت أخونوره وانا من نسل شلان=ياخيل السبلا وانا من بني خضير
أمدح هل الناموس ذربين الايمان=ماني من اللي يمدحون الهوامير
أثني وجيب البيت جزلن ومليان=وسوق مدحي للوجيه المسافير
(ربعي ضنا مرزوق )عجمان عجمان=هل سربتن تنطح جيوش وطوابير
يشهد لنا سيفن ورمحن وميدان=تشهد لنا قحص المهار المشاهير
اهل القنازع لارقص كل شيطان=الا بت اللي ماتهاب المخاطير
نرمي العشا لطير وذيب سرحان=بحد النمش قطاع روس المناعير
نارد كما يارد على الجم ضميان=وعاداتنا نروي سيوفن مشاهير
وحريبنا لامن نوانا بالاكوان=لانسمع العاذل ولا نسمع أمشير
سرنا عليهم مانحسب للاثمان=نسهج محله لين أيعيف المحادير
من وقعنا شاف المصايب بالاعيان=وقفا يشيل أغبونها والمخاسير
وفعالنا عند العرب شانها شان=والراس يقدح ويتطابخ صعاطير
حنا هل العليا قرومن وفرسان=ستر العذارى لابسات الأساوير
وحنا هل المعروف ذربين الايمان=نفرح ليا شفنا الضيوف المسايير
ترحيبنا لضيف والجار والعان=ترحيبن أحلى من حليب المصاغير
أنقلط السفره وحيلن وخرفان=ونكرم اللي يحتمون المضاهير
وميزاننا يرجح على كل ميزان=ومكاننا من فوق كل التصاوير
وعقب كلامن فيه زورن وبهتان=وماينقله ياكود ناسن معاثير
حنا نقول الحق صدقن وبرهان=قولن صحيحن صادقن فالتعابير
وانا أحمد اللي عزنا عالي الشان=الواحد المعبود والى التدابير
تمت وصلو عد ماهل ودان=على نبين بين الشر والخير

[سعود الخويطري]

هـــادي الـشـامـري / العوووود


أرررحب ,,, ومن طول الغيبات جاب الغــنـايم




وتسجيل حضور أول ولي عودة لـ هكذا جـزاااله

[راشد العتل]

يامرحبا ياهادي الشامري
وشرفتنا عقب هالغيبات

وصح لسانك جزله يالوافي

تقبل تحياتي

[عايض ال مطلق]

العووود

هلابك ومرحبا بعد طول غياب

صح لسانك ولاهنت

وسبعين نعم يالعجمان

هل مواقف يحفظها التاريخ وكنا مكمل للآخر

تحياتي

[المحترش]

ارحب يالعووود و الحمد لله على السلامه

[ابومحمد الشامري]

صح لسانك يا ابو محمد تو ما نور المنتدى قصيدة رائعة
قلت أخونوره وانا من نسـل شـلان
ياخيل السبلا وانا من بنـي خضيـر
كفو ونعم

[عبدالله آل عامر]

يشهد لنا سيفـن ورمحـن وميـدان***تشهد لنا قحص المهـار المشاهيـر

صح لسانك وبيض الله وجهك ياهادي على القصيدة الجزلة

تستاهلون الناموس يامذكر

[محمد الشامري]

قلت أخونوره وانا من نسـل شـلان &&& ياخيل السبلا وانا من بنـي خضيـر

كفو والله ملايين يابومحمد

قووول ووووفعل ياولد الشااايب

اشهد انك هيضتني وششت بي

صح الله لساااااااااااااااااااااااااااااااااااانك ملايين

ومرحبا بك مرتن ثاانيه معنا

ولاهنت يابومحمد لاهنت

[فيصل أل هتلان]

>>>> شاش راســة ..!


اهل القنازع لارقص كـل شيطـان
الا بت اللـي ماتهـاب المخاطيـر


بيض الله وجهك يابو محمد جزل جزل والله اني صادق

وأبشر بالغنايم يابــو محمــد

[سعود الخويطري]

حنا هل العليا قرومن وفرسان=ستر العذارى لابسات الأساوير
وحنا هل المعروف ذربين الايمان=نفرح ليا شفنا الضيوف المسايير
ترحيبنا لضيف والجار والعان=ترحيبن أحلى من حليب المصاغير
أنقلط السفره وحيلن وخرفان=ونكرم اللي يحتمون المضاهير
وميزاننا يرجح على كل ميزان=ومكاننا من فوق كل التصاوير



الله الله


وكفو يالمبدع وأحسنت وجملت



وصح الله لسانك ولاهنت



ودائما مبدع ووافي وبيض الله وجهك


وتقبل سلامي واشواقي