****** سوالف الزوج وزوجته ********

[فتاة الاساطير]

حياكم الله

مالكم بالطويله لاكن هذي بعض الايجابيات والسلبيات عند الرجل والمراه

طبعا نبدا بالرجل <<<<<<<<<<< الله يعينه ياكثر ماجاه من الخرش شكله بيكسب منا اجر

المهم

الرجل وبطبيعة الحال وماراح نقول كلهم حتى مايزعلون ترى يكفينا مشاكل السياسه هههههههههه

الرجل بطبيعته كثير الطلبات

ام فلان الغدا جاهز والا توه

ام فلان اذا كنتي ريضه بنسدح شوي

يام فلان سكتي العيال ازعجونا وازعجو الجيران

ام فلان لاتجيبيلي لبن مع الغدا انتي خابره اللبن يخدر وانا مابي تفوتني صلاة العصر

بعد الناس يمدحون لبن اكتيفا مير بنجربه ونشوف

يام فلان الله لايهينك افرشي مرقدي تحت مابي ارقد فوق السرير

البارح مسطت على ظهري وانتي ماحسيتي فيني

تشخرين يمال السهاد

اقول ام فلان يقولون ان محاكمة صدام بيمددونها

وبتصير قصة مسلسل مدبلج ههههههههههههههه

عاد خلاص انتهى من الهذره وابلع لقمته

وقام بس ما انتهت على كذا

اسمعي يام فلان لاتزودين العشا ترى بسهر عند ربعي

ولاتحتريني ترى والله لين جيت فالليل وشفتك بهالصاله

يضيق صدري

خلص الرجال وراح يخمد


جا دور الحرمه *************** الله يرزقها الحلم

ياربي ياقلبي حسبي الله عليكم سبع التحاسيب

انا وش اسوي فدنيتي اذبح نفسي والا انفش شوشتي

ابوكم نايم ومنتهني وانا من الصبح على رجل وحده <<<<<<<<<<<<<< ههههههه حلوه ذي اجل وين الرجل الثانيه ماجرتها

نكمل

ياسعود ياسعد وسعيد اعقلو ياعلكم الماحي

والله ان ربي مارزقني الا بتيوس وخرفان

حشى ماهوب عيال

واللي زاد الطين بله ان ابوكم ثور وانتم عياله

ياويل حالي

الحريم كلهم في راحه وانا في جهنم

ويالله استلمت التلفون

هلا حصه كيفك شخبارك وشلون ابوعيالك

وشلون ربعك وجيرانك <<<<<<<<<<<<< مسكت خط

هاه علميني وش سويتي وين رحتي وين جيتي

عطيني العلوم انتي خابره اني محرومه من الطلعات

عندي رجل غثه وعيال يفشلون

تصدقين البارح طلعتهم يلعبون بالشارع

ماشفت الا الحصيان تحذف علينا من كل صوب

تصدقين اني حسبته زلزال

والله يوخيتي عيالي مسكو ولد جيرانا وبطوه بطوه لين عظ الارض

وماوقفت على كذا قطعو اسلاك الكهرب حقت بيتهم

وطفو انوارهم ولا سكتي عاد

يوم سالتهم يعيال ليش سويتو كذا فشلتونا مع الناس

قالو خلهم يتادبون عشان ثاني مره مايسبون ابوي


قلت ويييييييييييييييييييي قطع من زين ابوكم عاد

بالله روحو تفرجو على شكله وهو نايم تقول

((بي ام)) توهم مودينها التشليح الحمدلله والشكر


يالله يوخيتي طولت عليك بروح اصحي الثور اللي عندي

عشان يذلف وافتك من وجهه


هههههههههههههههههههههه



والعذر والسموحه للجميع ترى ماقصدت اهين احد

بس ماننكر ان فيه ناس من هالنوعيه


ويالله نشوف الردود