درر مختاره لشاعره بخوت ال عذبه المري

[مطنوخ خلقه]

السلام عليكم ورحمة الله وبركاته
اتمنى تنال اعجابكم ودمتم بخير
معجزة الشعر النسائي الشاعره المرحومه بإذن الله بخوت المريه ومقتطافات من قصائدها وأبياتها .

1




ليته يناديني وانا بـس اناديـه واجاوبه ياحسين ولو كان مره
عليه قلبي يابسـات عراويـه اقفا ابقلبي من ضلوعي يجـره
ذالي ليال قاعده فـي حراويـه ليننهـا زادت علـى المضـره
قمت اتوجد وجد من مات غاليه قبوه اقبالـه كـل يـوم يمـره
أو وجد من خاوه والليل ممسيه ينخا ولا حد من هل الهجن مره
خلي طريح والضواري اتحاضيه بالمقطعه وامقابله ضلـع حـره
على الذي ماشفت حي ايحاليـه شيخ على القوم المعادين شره



2




مل قلب(ن) فر وأفتر مثـل المروحـه فرهـا فـرت جديـد قوي(ن)سيرهـا
ان ضحك لي صاحبي سر قلبي وافرحه وان تغلى صاحبي زاد عينـي شرهـا
صاحبي ناوي يذبحني وانا مقوى اذبحه شب في كبدي سنـا نـار زوّد حرهـا



3




المحبه لا سطت ما يعالجها الطبيـب روحتك ياصاحبي ليت ربـي لدهـا
عادة الدنيا تفرق حبيب(ن)عن حبيب وقطعش يارفقة(ن) والمفارق ضدها



4




جعل وبل الغيث يسقي ديار المفرعين منزل اللي كن حديثة حليـب معدّيـة
ضيقيتي في خاصري دايم ماهوب زين قومي اللي سم حالـي وبيـح سدّيـة
ان سجنته قام يتبـع دروب الدالهيـن وان نشدته قال انـا علتـي متعدّيـة
ان بغى خلي جنابي فلا غيره ضنيـن وان بغى يقفي فيقفي مـراح مودّيـة



5

وتقول في السياره



حن قلبي حن (( ماك )) على سمر العجـل عشق السواق والدرب ممسـوك(ن) وراه
إن عطا مع طلعة(ن)عشقـوا لـه الدبـل وإن تسهل ريحـه ليـن ياصـل منتهـاه
ما بشفـي لا دريـول ولا ريـس عمـل شفي اللي كل ماشـاف بـراق(ن) رعـاه
صبي أهله قطين(ن) على عد(ن) جاله عبل طيب(ن) للبـل وراعيـه مايقطـع ظمـاه
ونتي ونة خلوج(ن) ولدهـا مابعـد جـدل تشـرف المرقـاب للـذود وتـعـود وراه




وتقول أيضاً




ياحن قلبي حن ماك(ن) مع الطلعـات ليا عشقه بالعايـدي والدبـل جـره
جرمة ثقيل وحملـوا فوقـه البيبـات ويدعس عليـه ببنزينـه ولا سـرّه
انا دمع عيني بالدقايـق وبالسا عـات ولا هي على فرقا المحبيـن مستـره
هواجيس قلبي كل ما أقول راحت جات تعود علي باليوم خمسة عشـر مـره




6

وتقول في بيت الشعر والباديه



وجودي على بيت الشعر عقب بيت الطين وجودي على شـوف المغاتيـر منثـره
وجودي على خوة هل الموتـر المقفيـن وجودي على شوف السهل من ورا الحره
ليا حلوا البدوان وصاروا علـى بيتيـن ومن كـان لـه خـل مـع ذاك ماغـره



7
وقالت في الطايره




راكب اللي في سما الجو تمشي بحركا تصوتها من سرعها من وراهـا تنتلـه
روّحت وقت الضحي من محلّ الطايرا توخطّرت راع الهجن مارحٍ في منزلـه
وخطّرت ركابة الدوج من دون ادمرا تومرت الصلب الحمر والفريق بالسفلـه
داربٍ سواقهـا مـا يحسـب للممـاتو ا غلقت خمس الدقايق على الطالب هله


8

وقالت للموت




أناأشهد شهادة حق ماتستحي ياموت وأنا أشهد أن مافيك ميز ولاشيمـه
صلاتك رديه والحكي زور يابخـوت وكل خذيته من هله وأنتـي مقيمـه


9

وقالت في شفها



ما بشفي لا دريول ولا ريس عمل شفي اللي كل ما شاف براق رعاه
قاطنين فوق عد على جاله عبـل طيب للبل وراعيه ما يقطع ضماه
ونتي ونت خلوج ولدها ما جـدل تشرف المرقاب للذود وتعود وراه



10




حن قلبي حنة الماك مـع طلعـة نفـود عشقوا لـه بالدبـل والحمولـه زايـده
زوع قلبي زوع طير ٍ على الجول مهدود يطرده مقفـي وطـرد المقافـي كايـده
مهبلك ياللي تبي العصر الأول لك يعـود مايعيده كـود محيـي العظـام البايـده

[نطاحت الجيش]

لاهنت علي النقل وصح السان الشعره

[مطنوخ خلقه]

لاشنت واشكرك على المروور

[وافي بن وافي]

لاهنت يامطنوخ على هذه المختارات الرائعه شـكــ وبارك الله فيك ـــرا لك ... لك مني أجمل تحية

.

[مانع الوعيلي]

صح الله لسان الشاعره والله يرحمها
ولاهنت اخوي على النقل ويعطيك الف عافيه

[مطنوخ خلقه]

وافي ارحب اسعدني مروورك لاشنت

[مطنوخ خلقه]

ارحب يامانع اسعدني مروورك لاشنت