تصميم شركة سبيس زوون للأستضافة و التصميم و حلول الويب و دعم المواقع

المعنى111 · #1 21-03-2005, 06:03 AM

السلام عليكم

؟
حقيقه انا جاريت القصيده مجرد محاوله وتاكيد وتايد والا الشاعر خلف المشعان وعلي الحسني شعار مايحتاج تعريف وانا مجرد تلميذ عندهم في مدرسه والقصيده مجارة وتاكيد محاوله فقط لا غير
؟

بسم الله
؟

؟

-----------------------------

؟

خلف المشعان

مايتبع هروج السفيه .. بذمتي غير السفيه = يعني على رأي المثل ( أعمى يقوده إمـّعه ) :
تبت يدين الإمعه .. واللي معه .. تبت يديه = بوق الدجل ، شيخ الجدل ، والسربه اللي تتبعه
فقيه علم البلبله ، بهلولهم ، سعـْد الفقيه = اللي يريد إصلاحنا ، أصل الفساد ، ومنبعه :
تحشم سمو المملكه عن ما يقول ويدعيه = من يسمع علومه ، خبل لو عاد فكر ، يسمعه
والله ولا 100 سعد ، يهزنا ، بدري عليه = مازعزعوا حب الوطن .. زمرة فساد مجمّعه
حنا تحت أمر النزيه ابن النزيه ابن النزيه = اللي بذكره يحتمي بيت ، القصيد ، ومطلعه
لا قال ابو فيصل كذا .. قلنا : كذا من غير ليه = حنا الزناد اللي رفع صدره لضمة .. إصبعه
ناقف مثل صف الفشق بالمحزم اللي يرتديه = من لا ارتدع عن دارنا .. أدنى حدينا ، يردعه
الدار نخلة دونها .. سيفين ياحضرة فقيه = ( الشرع ) ثم ( آل السعود ) .. وغيرهم مانتبعه
مايتبع هروج السفيه .. بذمتي غير السفيه = وانتم .. مثِل قول المثل .. ( أعمى يقوده إمعه )

-------------------------------------------------------
؟

علي عطيه الحسني

تبت يدين الإمعه تبت يدا سعد الفقيه = أي والله اردد معك تبت يديه ومن معه
الخارجي مدعوم بيدٍ خارجيه تحتديه = لاخير فيمن يامره عابد صنم في صومعه
بانت علومه وانكشف مريض والله مبتليه = الله كشف ستره ظهر ماكان تحت الأقنعه
تبي الصراحه حجمه أصغر حيل من معنى سفيه = ولا تؤثر في الجبال الراسيات الزوبعه
منهو سعد خاين عهد مايعرف ماله وماعليه = واللي يشذ عن الجماعه ياعسى الله يقلعه
المملكه برجالها أهل الوفا بيض الوجيه = ماهمها من زمرةٍ متشرذمه متقوقعه
شعارنا التوحيد واللي مايبينا مانبيه = شعارنا واضح ومن نبع الشريعه منبعه
حنا لبو فيصل سند لاقال قلنا وش عليه = حنا جميعاً له ولد هو بس يشر باصبعه
يبشر بنا وقت الطلب ماهو بقول ندعيه = نثبت مواقفنا فعل لاحان وقت المعمعه
تبت يدين الإمعه تبت يدا سعد الفقيه = وأنا ارددها معك تبت يديه ومن معه
--------------------------------------------------------------

؟

المعنى111

وانا ارددها بعد تبت يديه تبت يديه= تبت يدين الامعه سعد الفقيه واللي معه
اهل البدع شيخ الفتن يامدعي نفسك فقيه= مايتبعك غير السفيه والدين يسرٍ ماوسعه
تربون في عز الوطن ثم تنكر احسانه و ليه= من ينكر احسان النخل له سيف فوقٍ يقطعه
ان كان هذا دينكم يالله عسى محدٍ يجييه=الله يرحم شيخنا بن باز فكره مالمعه(1)
اي والله هي كلمة سفيه عليه اكبر هي عليه= ولا تؤثرفي الجبال خمت خبول مصرقعه
شعارنا التوحيد والسنه ودين الله حميه= مير السعه مير السعه لابارك بضيق السعه
يعيش ابو فيصل نعم بيض الوجيه ابن النزيه= الله نصر الدين في (ال السعود) ولمعه(2)
والا انت وش سويت ياحضرتك ياسعد السفيه= فكر الخوارج فكركم (أعمى يقوده إمـّعه ) :
اي والله هي بانت علومه ياعلي والله بليه(3)= صح الله السانك خلف زمرة فساد مجمعه
وانا ارددها بعد تبت يديه تبت يديه= تبت يدين الامعه سعد الفقيه واللي معه
؟
الهوامش
---------
1مالمعه يعني لمع الدين نوره بعقيدته الصافيه رحم الله
2 ولمعه اي يعني كانت الجزيره مضلمه بالشرك اول والله سبحانه نصر الدين في ال سعود ومحمد بن عبد الوهاب ايام الدعوه في الدرعيه
ووحدو الجزيره على الشرع شرعه الله ونشرو العقيده والتوحيد
فضل من الله سبحانه
3 بليه يعني الله بلاه مبتليه والحمد لله اللذي عافانا مما ابلاهم فيه وفضلنا على مما خلق تفضيلا

وسلامتكم اخوكم المعنى111

alm3n<img src="http://www.alajman.ws...>1@hotmail.com

فهد بن محسن · #2 21-03-2005, 01:40 PM

الاخ \ المعنى 111

صح لسانك .. وصح لسان الشعراء خلف المشعان ... وعلي الحسني ,, وتسلم يمينك على ماسطرت

وانا بعد اقول

تبت يد السفيه ... الخاين في بلاده واهله .. وصدقت مايتبعه الا الامعه

تحياتي لك اخي الكريم

حبيب · #3 21-03-2005, 02:07 PM

الاخ \ المعنى 111

صح لسانك .. وصح لسان الشعراء خلف المشعان ... وعلي الحسني

والله لا يهينك

وننتظر جديدك

تحياااتي

راكان اليامي · #4 21-03-2005, 04:48 PM

ماشاءالله عليك يالمعنى وصح الله لسانك يالسنافي مجاراه رائعه من شاعر ارووع

monamora · #5 21-03-2005, 09:09 PM

صح السانك يالمعنى وانت شاعر مميز فعلا
تحياتي

المعنى111 · #6 22-03-2005, 05:52 AM

لاهنت.يابن.محسن

صح.بدنك.ولانت
تسلم.على.مرورك
تحيااتي.لك

المعنى111 · #7 22-03-2005, 05:53 AM

حبيب

ولانت.وصح.بدنك

اشكر.اطلالك.علينا
تحيااتي

المعنى111 · #8 22-03-2005, 05:54 AM

تسلم.ياليامي
ولانت
وصح.بدنك

اشكر.تواصلك
معي
تحيااتي

المعنى111 · #9 22-03-2005, 05:55 AM

monamora
صح.بدنك.ولانتي

وتسلمين.على.الشهادة
اعتزز؟فيهاا
تحياتي

بخيتان اليامي · #10 22-03-2005, 09:06 AM

المعنى111،

صح الله لسانك ولسان الشعراء خلف المشعان وعلي عطيه الحسني .

مجـــاراه رائعه يالمعنى 111، وهادفه والله يعطيكم جميعا الصحه والعافيه،

تحياتي وتقديري أخي العزيز،

أخوك:

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع