هلا يامرحبا باللي عيونه سـود ووساعـي=هلا به عد مالاحت بروق في سمـا الباحـه
اصوغ اجمل قصايد فيه وارسلها مع الساعي=واسمعه الجديد اللي بعـد ماطـب للساحـه
خفيف الدم صوته لاهمس تطرب له اسماعي=جعـل يفـداه مـن غنـا برمانـه وتفاحـه
ولو انه سبب كل الجروح وسبـة اوجاعـي=على جوره معاه الروح طربانـه ومرتاحـه
وانا من كثر ما احبه ماعاد اهتم بوضاعـي=عليه مقفل قلبـي ولا ادري ويـن مفتاحـه
كفايـه ياعواذيلـي كفايـه مالكـم داعــي=تلومون الغريق اللي غدا في بحـر ذباحـه
حلوم الليل تاتي به واهوجس به وانا واعـي=ولو ان شوفته وجه لوجـه ماهـي امتاحـه
وهو خابر غلاه انه سكن من بين الاضلاعي=ومنزاله وسط عيني وقدره ماحـدن زاحـه
ثلاث اسنين انـا ويـاه ملتاعـه وملتاعـي=مراسيل المحبه بينّـا فـي شاشـة الواحـه
ولو غيره تعرض لي ماكان لخافقي لاعـي=ثلاث ايام لاطالت وقد صليت فـي مراحـه
20-11-2005, 04:59 PM
العرض العادي
