من اول ياطول صبرك يابو زيد ((_ قصيدة الشاعر / محمد بن هويج بن علي ال فطيح اليامي _))

[المراجل ماتعداني]

قصيدة الشاعر / محمد بن هويج بن علي ال فطيح اليامي . ( أبو زيد )

ابدا بذكر مجود الكون تجويد=الواحد الفرد الصمد حامي البيت
لاوالله الا طولوا بالمواعيد=وانا انتظر ياما وياما تحريت
قم يانديبي وارتحل فوق ماريد=وارد حفيز ومنوتي ليتمنيت
سوبر ليا منه مشى يطوي البيد=اخر موديل ومن وكالة شفرليت
وانحر وطن ربع ٍ بعيد ٍ تباعيد=واسلم وسلم لي على الربع لي جيت
وتلقى تراحيب ٍ تردد تراديد=ليجيتهم قالوا لك ارحب وحييت
ومن بعدها تلقى اشقر الكيف ياعيد=بدلال رسلان ٍ على شوفها اشفيت
ويبرا لها طيب ٍ لمنه نقص زيد=تعجبك بنة ريحته ليتقهويت
ويسوقها خبرة غمار ٍ اولايد=ماهو بسوق اللي تربي التواليت
وغداك كبش ٍ يقري الضيف ويزيد=ياتيك عجل ٍ وانت لحظات مابطيت
وعشاك كبش ٍ ماذبحناه لزهيد=مايذبح الا للرجال الشفاليت
وغداك من بكره على مثله أريد= وبعد الغداء أشرح قصتي ليتغديت
لبو حمد والخط من يدك لسعيد=خط ٍ كتبت وفيه بينت مااخفيت
من اول ٍ ياطول صبرك يابو زيد=واليوم صبرك مابقا له حتاحيت
صبرت صبر ٍ واكثر الصبر تعقيد=والصبر باح وبيحته التناهيت
وابكي واقيد جاري الدمع تقييد=وحاولت اخفي جاري الدمع وازريت
واصبحت انا اصفق كف يد ٍ بكف ايد=وعضيت راس ابهام كفي وونيت
من مااونسه فالقلب مثل العباريد=والكل منها قلت له صبت مااخطيت
واصبحت فـ أرض ٍ خاليه من الاجاويد=وامسيت بين جنونها والعفاريت
وشدت وشديت المعاني على ايد=عشرين بيت ٍ كلبوها على ايت
وصلاة ربي عد نسمة الاناويد=على النبي ختمت قافي وصليت