( مـوجـة الـخـط ) .. / .. ع ـزاهـ يا رقـم ٍ لـه شهور مـا بـان

[خالد بن رمثان]

السلام عليكم ورحمة الله وبركاته ..



أهديكم هذي ( المتواضعه ) و كلي أمل أن تعجبكم ..


.


.


عزاه يا رقم ٍ له شهور ما بان
ليته يدق و تلقطه موجة الخط

والله لأغنيله على عذب الألحان
: ياا مرحبا باللي خذا قلبي و غط

قدلي ثلاث شهور صابر و شفقان
مـَغير أجر الصوت و آشيل و أحط

و أسامر الهاجوس و ألعب بالأوزان
و أثاري الهاجوس مط السهر مط

وش حيلتي و الحظ في دنيتي شان !!
(حظ ٍ تنكّس ) لا تعلّى و لا نط

و وش حيلتي لا صرت عاشق و ولهان !!
ياا شيب عين العاشق اللي تورط

حبيت أنا و القلب لا حب ما خان
و قمت أقطع الجيّان / و آشبّر الخط

للي قصيدي له محبه و هجران
حب ٍ من أول نظرة ٍ شطني شط

و من بعْدها قفّى و أنا صرت حيران
لا لي طريق .. و لا قريب إيتوسط

قفى و أنا جسمي من الشوق ذبلان
أنشهد إنه في غيابه تمطط

( مشتآق له ) و الشوق يسلم ولا هان
في نبرتي بيّن و فالقلب قلط

و لحد ٍ يعاتبني و لانيب ندمان
و لحد ٍ يلوم القلب كانه تبقط

اللي خذا قلبي صحيح إنه إنسان
لكن وصوفه غير .. ما تنوجد / قط

حبه / بنا في عالي القلب بنيان
ما ينهدم لو جور هجره تسلط

حبه / رصيد ٍ كم تمناه فقران
وااجد .. و لكن ما حسبناه بالضبط

بصبر عليه أيام .. مانيب عجزان
إن دق .. و ألا والله إن أكسر الخط

.

.

و سلامتكم جميع
.

.