مساجله شعريه .......

[نيَـة فراق ..!]

همّلت [ فرصه ] يوم جات وتسنّت = وجعل العوض في [ غيرها ] لا تحرّيت !

[لبيك]

تغيب .. وافهق ضيقتي .. واكتمها=وفي كل ليل .. اجرّ لي .. تنهيـده
اخاف احاسيسي لا قمت .. ارسمها=يحنّ لي .. مـن يحسبنّـي ميـده

[نيَـة فراق ..!]

هب الفراق ، وفضّلت روحي الصمت ! = الجرح صعب ، وبوح [ شرواي ] كايد

[عليل المحبه]

دكتور .. من حبّه لي أعوام ماطبت

مدري وش اللي في غرامه بلانـي

قلّي وش اللي تسمعه يـوم قرّبـت

سمّاعتك مابيـن عـوج المحانـي

[نيَـة فراق ..!]

يا صاحبي ما طاحت دموعي وبس ؟ = من يوم طاحت دمعتي [ طحت معها ] !

[عليل المحبه]

إجلس بـ قلبي حبيبي ، ماعليك .
وأي شخص يضايقك فيه ؟ إطرده !

أفقدك لو غبت لحظه وأحتريك ،
وغيرك يغيب ( العمر ) ما أفقده .

ما لِمَح قلبي السعاده ... إلا فيك ،
موت حزني " إنت " سبّة مولده !

</B></I>

[نيَـة فراق ..!]

هو سنا شمسي ، وغيره ما هقيت = يفرح بـ / وصلي ولو موته [ دنا ] !

[عليل المحبه]

الناس ماخلو حدن ماحكوبه
الحي والميت لقوبه عذاريب

الناس كلن علته ملي ثوبه
لاشك وين مفرق الخبث والطيب

[نيَـة فراق ..!]

بعد ما نويت ، ونيّتك ما تحب الشور ؟ = علامك تحاسبني على شي [ ما قلته ] ؟!

[البندري القحطاني]

هاك عمري كله لعينك ..فدى =لا تحملني بعد جرحك ملام
كل حزنٍ دون ما اشعر.. بدى =يجمع احلامي وينثرها حطام

لـ مساعد المطلق