قرب يا محمد

["بدر العجمي"]

ياسلام الله سلام العرب والمسلمين=والمعانى لو سرا اليل مايسرابها
يا محمد بعد صلحت موترك اللعين=لا تعرضه المطبه وثم يبلابها

[محمـد العجمي]

هلا يابدر

مرحبا ياشاعر بين خشم وبين عين
مازهته الا هنوف يشوق خضابها


سوقها منا ومنا عسى ربك يعين
كل لحيه فالزمن تحت ظل اشنابها

["بدر العجمي"]

من ذخر حاجه لقاها على طول السنين=وانت راعا الحاجه اللى حسبت احسابها
انته اليله تحرك لسانك واليدين=رحمة الله واسعها ما يقفل بابها

[محمـد العجمي]

انت لاحجيت وقف على ظلع القرين
داري في حاجتك لكن انت ادرابها


نصف خبزتك استوت مير باقيها عجين
لين وقفت بين ضرس العرب مع نابها

["بدر العجمي"]

ههههههههه

لك عيون كبار لاكن شوفك نصف عين=وانت يامكبر عيونك وطول اهدابها
حنجرتك اصغيره وانت تلقم لقمتين=والعرب تبغا السلامه وفك ارقابها

[محمـد العجمي]

لو نقرب حبتك للرحى ترجع طحين
وانتبه للخيمه اللي قصار اطنابها


ياهل الدرب اليسار وهل الدرب اليمين
البلاوي عند بقعا مشرع بابها

["بدر العجمي"]

انت ياذيب الخلا ذيب لك قلب وذهين=والذيابه مثلكم ما ترز اذنابها
الجمل يبقى جمل يدحم وضلعه متين=واليالى تدرس العارفين اكتابها

الختام عندك يا محمد قرب النوم وتصبح على خير

[محمـد العجمي]

احسب انك بتكتب قصيده ههههههه صح السانك

[سعود الخويطري]

الله الله



شعار كبار ومعاني غير



صح الله لسانكم وبيض الله وجيهكم



والعوض فالمقبلات ان شالله ونحضر باول الليل




وتقبلوا سلامي

[مافيه فرامل]

شَرُفْتُ بزيارة منتداكم الرائع
وأتمنى أن تكون لي مشاركة في القريب العاجل
مافيه فرامل //////////من الطائف ( اسم حركي )