خيالة السمراء وخيالة الحجباء

[منصور بن منيخر]

بسم الله الرحمن الرحيم
السلام عليكم ورحمة الله وبركاته
قصيدة مسنده الي الأخ/ عبيد بن عبيصان بن جديع

سلام مني عد ما غرد الطير=وإعداد ما هلت سحائب تهامه
سلام مني للرجال المناعير=أهل الوفاء والطيب وأهل الكرامه
اللي توردها علي جمة البير=قوم الشجاعه والظفر والشهامه
خوالي اللي يحتمون المظاهير=لا ثارت الهيجاء وثور عسامه
خيالة السمراء رجال(ن)مشاهير=أفعالهم تذكر ودون الجهامه
وعبيد له عندي معزه وتقدير=معزة(ن)من قبل ياتي فطامه
الرجل وافي ما حصل منه تقصير=الطيب ميراثه خواله عمامه
لو أمدحك يا عبيد بأغلي التعابير=رجل(ن) سواتك عارفين(ن) مقامه
في مجلسك تلقي الدلال المباهير=يوم الردي تبرك عليه الرخامه
من طلعتك والراس كله سعاطير=وإلا الردي دائم تراعد عظامه
الحر الأشقر شاق كل الصقاصير=عدل المناكب فيه زود وصرامه
تلقي الجبال الشاهقه له مواكير=والبوم يطمن تحت ظل الثمامه
كل المراجل فيك من دون تذكير=لبستها يا عبيد لبس العمامه
يا جعلها لك يا السنافي مسافير=مشهود لك بالخير والإستقامه
يا بن الرجال اللي تقود الطوابير=بيت المعزه والشرف والزعامه
وجديع له فعل(ن) كما سالم الزير=وألا كما العبسي ليا أوما حسامه
قلته وأنا من لابة(ن)تفعل الخير=اللي لهم في قمة المجد هامه
خيالة الحجباء سيوف(ن)بواتير=مثل البحر في هيجته وإلتطامه
نطغي ليا منه طغي شيخ وأمير=وللي زبنا بشره بالسلامه
الطيب ما ياتي بليا مخاسير=وللطيب بوجيه الأجاويد شامه
لنا مع الأجواد ورد ومصادير=ومعزتك تبقي ليوم القيامه
حنا علي شوفك نسوق التباشير=لا يلحقك من صوب أخوك الملامه
نفرح ليا شفنا ضيوف ومسايير=إنقدم الترحاب والإبتسامه
لا تعتذر يا عبيد ما به معاذير=الكل منا صادق(ن) في كلامه
الصدق مثل الصبح وهاج(ن) منير=والكذب مثل الليل دامس ظلامه
محد(ن)تريح من كثير المشاوير=لا خلص المشوار جانا دوامه
الرجل قالوا عيشته عيشة الطير=والرزق في سير القدم وإبترامه
دنيا(ن) ومثل الشجره أم العصافير=وألا البعير اللي طويل(ن)سنامه
وحنا عليها مثل وصف المداوير=واللي لقاها ما يقرط بهامه
من فرحته مرتاح ما واصل السير=يرتاح باله ثم يهني منامه
القاف واضح ما يبي له تفاسير=واللي حلم بالليل ينسي حلامه
لكن سنامه يا الشلي راح للغير=حنا يا لله ريشة(ن) من حمامه
يفدونك اللي يعبدون الدنانير=ما ميزوا بين الحلال وحرامه
يا بو علي جعل الردي عمره إقصير=ما منه خير(ن) والهلامه هلامه
صغت البيوت الوافيه صبح وإعصير=وصف الحرير ووصف ريش النعامه
بنات فكري جات غصب(ن) بتصخير=جزل البيوت أشر عليه ب علامه
أنا مصورها علي أحسن تصاوير=مثل الهنوف اللي لها حسن قامه
اللي عليها حايلين الحجاجير=واللي عشقها عض كف الندامه
وإن سلهمت لي بالعيون المحاجير=ما همني يا عبيد لمعة زمامه
ما ظن تشغلني بكثر التفاكير=لو المبيسم عمد يرخي لثامه
عليتها من فوق روس الشناظير=خيالي اللي قام يبني خيامه
يا مدبر الدنياء عليك التدابيير=يا مكون نجوم السماء والغمامه
الختم مني عد نبت النوايير=في روضة(ن) ما تنبت ألا الخزامه
وإعداد ما هبت هبوب المعاصير=من عندنا مسك(ن) وعنبر ختامه
صلوا علي من نور الخلق تنوير=نور كما بدر السماء في تمامه
رسولنا اللي بين الشر والخير=شفيعنا وإن جاء نهار القيامه

منصور بن محمد بن منيخر

[العنيد]

هلا والله بعضونا الجديــــــــــــد والنشيــــــــــــــــــــــــــــــــــط: بن منيــــــــــــــــــــــــــخر......قصيدة رائعه والله .....

وما قصر بن جديـــــــــــــــــــــــــع....وبيض الله وجهك يالسنافي......

سلام مني عـد مـا غـرد الطيـروإعداد مـا هلـت سحائـب تهامـه
سـلام منـي للرجـال المناعـيـرأهل الوفاء والطيب وأهـل الكرامـه
اللـي توردهـا علـي جمـة البيـرقوم الشجاعـه والظفـر والشهامـه
خوالـي اللـي يحتمـون المظاهيـرلا ثارت الهيجـاء وثـور عسامـه
خيالـة السمـراء رجال(ن)مشاهيـرأفعالهـم تـذكـر ودون الجهـامـه
وعبيد لـه عنـدي معـزه وتقديـرمعزة(ن)مـن قبـل ياتـي فطامـه
الرجل وافي ما حصل منه تقصيـرالطيـب ميراثـه خوالـه عمـامـه
لو أمدحك يا عبيد بأغلـي التعابيـررجل(ن) سواتك عارفين(ن) مقامـه

[أبو محمد]

لاهنت يا ابن منيخر وصح لسان الشاعر

[حبيب]

الاخ الشاااعر بن امنيخررر

صح اللساانك ولاهنت وما عليك زووود يا السنااافي

والقصيده جزله وانت جزل

وبن عبيصااان يستااهل


تحيااتي

[راكان اليامي]

لاهنت لاهنت لاهنت يابن منيخر وصح الله لسانك ياذيب

[فهد بن محسن]

ارحب يابو محمد


صح لسانك يالسنافي ,,, قصيدة جزله ووافيه من راس شاعر جزل ووافي

وابن عبيصان .. يستاهل

وكلن يستاهل فعله .. ولاهنت يابو محمد وصح لسانك

تحياتي لك

[السنافي]

صح لسانك يابن منيخر

ونعم بخيالة الحجبا ونعم بخيالة السمرا

وابن عبيصان يستاهل المدح

[منصور بن منيخر]

العنيد
لا هنت وما عليك زود

[منصور بن منيخر]

عبد الهادي بن حفيظ
لا هنت وما عليك زود يا الطيب

[منصور بن منيخر]

حبيب
لا هنت وما عليكم زود يا الطيب