يام ماعسكرو مابين مكّـه وطيبـه=مايقادون وسط السوق قود الجلايب ( الرزقي "و" العازمي )

[سعود الخويطري]

][®][^][®][

السلام عليكم ورحمة الله وبركاته



محاورة مختاره عساها تحوز على رضاكم

بين عضو - مجالس العجمان - الشاعر المبدع " هـادي الزرقي "

( و ) الشاعر السعودي الرائع " فهد نعيم العازمي العتيبي "

][®][^][®][

هادي الرزقي :

ياسلااامي سلامٍ فيه حاجه غريبـه = يازمان التقـدم يازمـان الغرايـب
يافهد كل عشر اسنين تاتي مصيبه = وانت باب المشاكل يافهد والمصايب

فهد العازمي :

مرحبا يا مسلم والغريبه صعيبـه = مير هانت وحنا اللي نحل الصعايب
خل بقعى بعيده لا تجيكـم قريبـه = انت هايب وانا رجال ماني بهايب

هادي الرزقي :

حسبي الله علـى شعّاركـم ياعتيبـه = يشعلون الفتن والنار بيـن القرايـب
اطيب الناس فيهم عند الاجناب طيبه = واقشر الناس متغطرس لعين الصلايب

فهد العازمي :

من تحسب على الشعار ربي حسيبـه = وانت شاعر بلى جمهور والحض غايب
يام راحو من الخفجي ليـاام الرقيبـه = يحفرون القبور ويدفنـون النصايـب

هادي الرزقي :

انت غايب وزوّدت المغيبه مغيبـه = والذهيبه على ثرها تهب الهبايـب
يام ماعسكرو مابين مكّـه وطيبـه = مايقادون وسط السوق قود الجلايب

فهد العازمي :

يا حليل الحبيب اللي بليا حبيبـه = يشغل الناس ويعكر مزاج الحبايب
يام فيهم من الايام شكه وريبـه = سرها والاشده في ظهور الركايب

هادي الرزقي :

ياحليل الضعيف اللي تردّا نصيبه = مابقا الاّ شماله بس ماهو بتايـب
يام تاريخهم مافيه شـيٍ يعيبـه = وانت يالعازمي تضحك بليّا سبايب

فهد العازمي :

فعل غيرك تسنوابه حشى وش تبيبه = وانت مالك فعول ولا عن الناس نايب
يختفي ثعلب الميدان ويبيـن ذيبـه =والشياطين تحزم فالليـال النوايـب

هادي الرزقي :

يافهد طيع شوري واعترف بالغليبه = دام هذا كلامك بين مخطي وصايب
للرجال الرجال وللعجايـز ربيبـه = خل عنك الرجال مورّدين الطلايـب

فهد العازمي :

لو قبلي عتيبي يعتـرف بالمعيبـه = اعترفت الك مير عتيبه اهل الغلايب
اتربت بندق الرجال دون الضريبـه = وستلمها عتيبيٍ عطيب الضرايـب

[عبدالله آل عامر]

صح لسان الشاعرين الرزقي والعتيبي وعز الله كل واحد أخذ قسمه

بيض الله وجهك يالخويطري على الاختيار المميز

[الفرس]

الله ... مضادات جميله

اعجبتني اخر ردين

لاهنت ياسعود

وسلمت يمينك

[سهيل..؟؟]

ماشاء الله محاوره رائعه من الشاعرين .
والله لايهينك اخوي على المشاركه.
.
.
.
........................

[بن فلاح]

ما شاء الله على الاثنين
كلهم مافيهم حيله ولا فيهم قصور

وبيض الله وجهك يا سعود ومشكوووووووووووور

على المحاوره الجميله

تقبل مروري ودمت سالم

[بندر العجمي]

لا هنت يا ابو محمد على المحاورة الرائعة ما قصرت يا السنافي

[عذوب]

مشكور سعود

على المحاوره الطيبة :3rbe15:







ومع احترامي لهادي المرزوقي ...

العتيبي مااااااااافيه حيلة :3rbe28:




وتقبل تحياتي العذبه

[عنـَـاد]

وشبلاهم بلا مافيه الا قوة طخر

اطخرني واطخرك

انواع الزرمات



حلاتها بعد ذا المحاورة

تقوم خبطه ههههههههه

[مسفر مبارك]

صح لسان الشعار ولاهنت على القصيده ياذيب

[مسعطر]

أشكرك أخي سعود على النقل و صح لسان
العتيبي و العجمي. تقبل مروري