أقرب شاعر يصفط يمين :)

[بندر العجمي]

الكونكورد



سلام والمعنى مابين الجدي وسهيل الجنوب
والنادره من شافها والنادره مـن شافهـا
اللي ليامن فرّعت لك مايضيقن الـدروب
حوّافها لولا ظروفـه والدهـر ماحافهـا


ما اعرف اجامل


يامرحبابك عد ماهبـت ذعاذيـع الهبـوب
واليا ارتخت فاطرافها ناتي نشد اطرافهـا
لوتبعد المعنى نجيب العلم لك من كل صوب
كب الهنوف اللي تشيل السم بين اكتافهـا


الكونكورد


دام البقى يالشاعر اللي كل ماشبّت شبوب
يبغي يشيل حمولهـا باثقالهـا واخفافهـا
لو تبت عنها خابرك ياصاحبي منت بتتوب
شفناك في مرباعها والصيف في مصيافها

ما اعرف اجامل


الوقت يعطينا عبر والناس غالب وأمغلوب
وانا من اللي فالمعـارك بيـنٍ ميقافهـا
ياكبر ذنبك يارفيقي ماتخاف أمن الذنوب؟
لاتتهم المسلم في بنت ابليس يومه عافها


الكونكورد


ياللي نصفت الكوب انا ضميان مابي نصف كوب
مالـك ومـال ارباعهـا ياصاحبـي وانصافهـا
خل الرعد يرعد وخل البرق يبـرق فالنصـوب
امـا تزيـن اوصافهـا والا تشيـن اوصافهـا


ما اعرف اجامل


ياللي خذيت العلم روح وماعليك امن الكـذوب
اني ارى الروس اينعت واليوم انـا قطافهـا
ياصاحبي كونكورد لامن جيتني فانت امحسوب
وان كان عندك عملةٍ عطني وانـا صرافهـا


الكونكورد


انا بنيت البيت فالميدان طوبه فوق طـوب
واغرف به جزال البحور اللي تعب غرّافها
لا بارك فالبعير اللـي مسيـره دوب دوب
ساعة برك والقوم ماوصلت حدود اهدافها


ما اعرف اجامل


وانا بعد لامن بنيت البيت ماتلقى عيوب
وبيوتكم يثني عليها كل منهـو ضافهـا
الله يبارك فالبعير اللي على الشده ينوب
اللي يبيّن فالسنين الممحلـه وعجافهـا






صح الله لسانكم




وبيض الله وجيهكم



قااااااف جزل لشعراء الجزاله ونتعلم منكم




والله لايشينكم

[دهمي]

الله الله

طافني الطاروق

صح اللسانك ياكونكورد وصح اللسانك ياماعرف اجامل

والله لايهينكم وبيض الله وجيهكم

كونكورد اظاهر انك ماتذكر اسم الله واجد:D



كونكورد

انا بنيت البيت فالميدان طوبه فوق طـوب=واغرف به جزال البحور اللي تعب غرّافها
لا بارك فالبعير اللـي مسيـره دوب دوب=ساعة برك والقوم ماوصلت حدود اهدافها

ماعرف اجامل

وانا بعد لامن بنيت البيت ماتلقى عيوب=وبيوتكم يثني عليها كل منهـو ضافهـا
الله يبارك فالبعير اللي على الشده ينوب=اللي يبيّن فالسنين الممحلـه وعجافهـا

سجلووووووووني متابع


وبدون مجامله

[ماعرف اجامل]

السلام عليكم


دهمي

ههههههههههههههههههههه


توني اقراء مشاركتك

خل عنك السوالف ولا تلعب بالنار تحرق اصابيعك



وبدون مجامله

[الفرس]

محاوره جدا جدا راقيه واعجبتني البدايه والقفله مع ان فيها من الشغب المستحب اللي اثارنا ولكم مني شديد الاعجاب


بالكونكورد و ماعرف اجامل

[يام المري]

ياسلام


سجلو متابعتي

ياليتني لاحق عليكم من اول شي


مااعرف اجامل.. << شد حزااامك . تحراني ذا اليومين


صح الله لسانكم ولاهنتو

عزالله اني استمتعت فـ الطاروق .

لاهنتو


سلام

[الرسام]

الله الله


وانا امر عليك يا كنكورد ولا ادخل


اثر الدعوى ماكنتوش



كنكورد صح السانك وبيض الله وجهك


ما اعرف اجامل ويش حالك


وصح السانك وبيض الله وجهك



بيض الله وجيهكم



اعجابي