اجمل القصايد التي قريتها

[النــــداوي]

السلام عليكم ورحمة الله وبركاته

أضيق من وقتي ووقتي مايضيق
كم هد قبلي دولة ٍ متكبّره

ولا خير في عزوه وفي خوة رفيق
ان مالقيته محزمي ماعبّره

وش خانة الدنيا وانا بنص الطريق
ان ماكسرت العظم ثم أجبّره

الحظ في بطون العرب ياتي صديق
وانا صنعته في يدي وادبّره

ذبيت رجمه لو على قمة طويق
رجلي تدوسه وبيدي أشبّره

لكن ماهي حظ ومخاصم عويق
المسأله فيها رموز معبّره

الغفله وليل الشتاء اللي مايفيق
لو طال يسبرني وانا ما سبّره

أنفض غباره وان وصل حد الزعيق
تاريخ مخزي والوجيه مغبّره

نشبت لحانا بين غربان ونعيق
هذاك ينتفها وذاك يخبّره

أحتد لصمصام بتار الشنيق
لكني احلم واهتدي واصبّره

أسياد حنّا لدول ماحن رقيق
صحايف التاريخ فينا محبّره

واقول ماللوقت في الدنيا صديق
الملك زايل والملوك مدبّره

[shmoo5_ al_ajmy]

النداوي

نقل مميز كل الشكر علي ماقدمتي

[الغروب]

النــــداوي

شكري وتقديري لمانقلت

ننتظر عطاءتك القادمة .

[هادي بن فهاد]

النداوي

نقل مميز كل الشكر علي ماقدمتي

[ليــه يازمـــن]

قصيده جميله مشكور عليها

[اسامه الرشيدي]

النداوي

كلمات جمييله

ولا هنت على النقل

تقبل مروري

[خالد وبس]

أسياد حنّا لدول ماحن رقيق
صحايف التاريخ فينا محبّره

واقول ما للوقت في الدنيا صديق
الملك زايل والملوك مدبّره !



الله الله يالنداوي
عزالله انها من اجمل القصايد ويسلم لنا ذوقك يا ذوق
وصح السان شاعرها .. ويا ليت نعرفه بس


تحياتي لك