كيف اتجمّل ازرع المعروف ويجيني جزاهـ..؟؟؟

[عاليه الاخلاق]

شيله للشاعر سعود المقاطي

كلٍ يابو مازن ليا هب الهوا يطري علاه= خله بهالدنيا وانا لاهب ذعذاع الهبوب
اسري مع الهاجوس واصبحبه على كل اتجاه= امن الشمال اسامره واسري معه لقصى الجنوب
كيف اتجمّل ازرع المعروف ويجيني جزاه= عكسه بها الدنيا وانا ماشلت شي امن الذنوب
وان كان عيبي طيبتي والصدق والله واسفاه= ماني بمن يعبد وجيه الناس ويعبد الجيوب
وانا رفيقي لو غلط فوقي عسى الدنيا فداه= ادمح له الزله ولاسمع كل نمامٍ كذوب
والصبر عندي محتسيه وذاخره لقصى مداه= الزلة اللي يزرع المعروف ويعرف الوجوب
وليا وصل صبري على الصاحب ليقصى منتهاه= دورت دربٍ يبعده واليوم ياكثر الدروب
جرح العدو ماهمني يمناي تاخذ لي قضاه= وان ماخذت حقي يميني جعل حضي للغروب
مير البلا لاجات من شخصٍ مبي شقرت عصاه= انشهد انه من عرب وانه على القلب امحسوب
رمحه طعني في قفاي وكنت حارس له قفاه= بعض الجروح اتذوب لاكن جرح ماولله يذوب
وبعد انكشف لي موقفه عزيت قلبي في خطاه= ياقلب حاسب ونتبه جعلك بعد هاذي تتوب
ياقلب قبل العرف دقق في هذا وعرف هذاه= لاتحسبنك انك عند كل الناس ياقلب محبووب

وسلامتكـــــــــــــــــم

[ِِِAL 3ajmiah]

الله .. صح لساان الشاعر ولساانك لاهنتي .. تسلمين ع الشيلة الرائعه ~

[عاليه الاخلاق]

المشاركة الأصلية كتبت بواسطة ِِِAL 3ajmiah

الله .. صح لساان الشاعر ولساانك لاهنتي .. تسلمين ع الشيلة الرائعه ~

ومن قال مايهون يالغاليه تشرفت بحضورتس الطيب