ضحى تسعه وعشرين إفترقنا والله اللي راد !!

[شيخة الغلا]

مساؤكم أعذب الأشعار رواد مجلس عيون الشعر
آمل أن تنال إعجابكم هذه القصيدة المختاره



سقى الله جرحي اللي سبته كل الجروح جـداد
وسقى الله حزني اللي زارني في عيد ميـلاده

وعفا الله عن خفوقٍ منه من بين الضلوع حداد
مضى عامين وشهور أربعه مـا زال بحـداده

وعفا الله عن عيون طرفها لامن بغى المهجاد
قزا كله سبايب هاجـسٍ مـن عـام معتـاده

ضحى تسعه وعشرين افترقنا والله اللـي راد
تروح بدربها وانا أنكـب بامـر الله ومـراده

مشيت بطرقتي هايم مريض بدون مـاي وزاد
على الله سقت خطواتي ولا أدري وين منقـاده

وكاد العلم يومنـي تركـت الـدار والله جـاد
لامني شمت من دارٍ جفانـي صعـب معـواده

هجرت أغلا ديارٍ حبهـا قلبـي بـدون عـداد
وسط دمي لقوا مكتوب ما أغلا نجـد وريـاده

ولكن ما نسييت المترف اللـي دللـوه وعـاد
عطاه الله الجمال اليوسفـي وهيبـة السـاده

حشيمٍ من سلالة بيت طيـب وطيّبيـن أجـواد
مديحٍ يذكرونه مـن علـى أول جـد فأجـداده

أحبه كم عذلني منه من عذالـي وليتـه فـاد
وأنا والله إن غلاه يزيـد فينـي زود وزيـاده

هو أغلا وهبة من حظي اللي بالشقـا معتـاد
فديته علمـوه إنـه معـي وإن طـوّل بعـاده


للشاعر : مسفر آلـ رشيد

[الرسام]

هو أغلا وهبة من حظي اللي بالشقـا معتـاد
فديته علمـوه إنـه معـي وإن طـوّل بعـاده


مساء شعري جميل ورومنسي رقيق جدا

صح السان الشاعر / مسفر الــ رشيد


وشكرا على الاختيار الرائع ((شيخة الغلا))


احترامي

[مسعطر]

هو أغلا وهبة من حظي اللي بالشقـا معتـاد=فديته علمـوه إنـه معـي وإن طـوّل بعـاده

الله الله يا حلو القصيدة ..

يقول الشاعر :
صحت من فرقا الضحى ما لصياحي مجيب .. الله يكفي شر فرقا الضحا لا بدّها
يا شين الفرقا

صح لسان الشاعر المبدع مسفر آل رشيد و صح لسانش و نقلش
أختي شيخة الغلا .. إختيار موفّق ..

تقبلي مروري ..

[أميرة الإحساس]

صح لسان الرشيد

ولاهنتي يالشيخه على الأختيار الموفق

[شيخة الغلا]

المشاركة الأصلية كتبت بواسطة الرسام

هو أغلا وهبة من حظي اللي بالشقـا معتـاد
فديته علمـوه إنـه معـي وإن طـوّل بعـاده


مساء شعري جميل ورومنسي رقيق جدا

صح السان الشاعر / مسفر الــ رشيد


وشكرا على الاختيار الرائع ((شيخة الغلا))


احترامي

[الرحال2006]

شيخة الغلا
اقووووول ان ذا الاختيار موفق جدا جدا ولا هنتي

وصح لسان شاعرها وسلم الله بنان كاتبها

ولا هو بغريب عليش
دائما متألقة لا حرمنا الله منش
الرحــــــــــــال
--------------------

[الاب الروحي]

صح لسااانش ولساااانه

لاهنتي

في امان الله

[شيخة الغلا]

المشاركة الأصلية كتبت بواسطة مسعطر

هو أغلا وهبة من حظي اللي بالشقـا معتـاد=فديته علمـوه إنـه معـي وإن طـوّل بعـاده

الله الله يا حلو القصيدة ..

يقول الشاعر :
صحت من فرقا الضحى ما لصياحي مجيب .. الله يكفي شر فرقا الضحا لا بدّها
يا شين الفرقا

صح لسان الشاعر المبدع مسفر آل رشيد و صح لسانش و نقلش
أختي شيخة الغلا .. إختيار موفّق ..

تقبلي مروري ..

[فـارس]

صح الله لسان شاعرها وناقلها

شيخة الغلا

لا هنتي على نقل القصيدة الرائعه

ودمتي بحفظ الرحمن

فارس

[شيخة الغلا]

المشاركة الأصلية كتبت بواسطة مهندسة العجمان

صح لسان الرشيد

ولاهنتي يالشيخه على الأختيار الموفق

ولا ندمتي مهندسه

شاكره مرورك غلااااي