مصافحة اولى لكم يا شعار ويا اعضاء

[منصور الديحاني]

ماتعود نبض قلبك على صدق الوعود= ولاتعلم كيف يجرؤ على طرد السواد
كم قتل بيدينه الحلم في عمر الورود= واستلذ بـموت الافراح برماح العناد
كل همه بين الاحباب ماينقص يزود= وان تعدى موسم العشق يكفيه الحصاد
مـاتقيد بالمـساحة ولاعــنده حـدود= خطوته للنار تسعى وترجع للرماد
وانت تضحك مقتنع فيه راضي بالجحود= مادريت انك بتبكي على صدر الرماد
ياضعيف ان كان قلبك على قلبي حقود= انتبه والسن بالسن في وقت السداد
مايعيش الحر صابر على فرض القيود =في حياته صحوة العز ماترضى الحياد
يستغيث بقوة العزم في درب الصعود= وان سرى مايمرح الا على ظهر الشداد
أي نعم ماقابل الظلم في نظرة برود= ولعت واليوم خذها مثل قدح الزناد
ذوقها واستعذب المر من كف الصدود = لين تعرف خط سيرك وترجع للرشاد
المحبه مالها الا مواثيق وعهود= والنوايا مشرق الوجه والحب اجتهاد
والخطايا تجعل الشوق ينتابه جمود = وانت عبره من عرفها تعلم واستفاد
هذي الدنيا على الناس مع مر العقود = قلب ينعم في حياته وقلبٍ في جهاد
ويشهد الله جيت مخلص وكرست الجهود= بس شفت الكائن الحي متحول جماد

الشاعر / منصور عبدالله الديحاني