الرياحي .... و ..... المسعودي

[فهد بن محسن]

الاخوه اعضاء منتديات مجالس العجمان ... الاخوه الزوار .. وعشاق المحاوره ... اخترنا لكم هذه المحاوره الشعريه (( القلطه)) بين شاعرين من اعلام الشعر سواء في النظم او المحاوره .. هم الشاعر فيصل الرياحي والشاعر محمد المسعودي .... عسى ان تنال اعجابكم

الشاعر \ فيصل الرياحي … شاعر نظم وشاعر محاورة من الدرجه الاولى … شاعر يهابه خصمه في ميادين المحاوره .. شاعر مبدع ومتميز … يحاوره في هذه المحاوره الشعريه زميله الشاعر \ محمد المسعودي …. وهو ايضا شاعر محاوره من الدرجه الاولى .. شاعر متمكن .. وشاعر فذ .. شاعر جزل المعاني ..

يامرحبا والحفل حظه يباريه = واللي يجيب الطيبه يشتريها
ان كان فيصل يعطي الحق راعيه = الكلمه اللي قالها مانسيها
دام البقاء للحفل واللي حضر فيه = والطيبه مايدخل الشك فيها
بيني وبينك علم ماني بناسيه = حجة شرع ماني بخايف عليها
الفرض حان وطالب الله يصليه = الناس للخلاق ترفع يديها
مانته مسوي شي ما الله مسويه = ياقرب راس ام الرسن من يديها
اللي غدا له صقر باسمه يناديه = حي الصقور وحي من يغتذيها
بيني وبين هذيل بعض المشاريه = وام الرسن ركابها يحتميها
راع الغرض يسرح ويتعب ويمديه = وليا وصل ميعادها يحتريها
العذر من مثلك على صدق يكفيه = لكن قفت والدهر مقتفيها
خل المسافر يطلب الله ويعطيه = والعزوه اللي تعجبه يعتزيها
والله لاعوضك في كلام تغنيه = واهديلك اول منوة تمنتنيها
بيني وبينك حق من عند قاضيه = واللي نطق له كلمة يحتميها

تحياتي لكم جميعا

[فهاد العجمي]

الله الله الله
ياسلام عليك يابو فيصل

مبدع بمواضيعك وبو منصور علم من أعلام المحاورة

ومحمد المسعودي شاعر فتل من الدرجة الاولى
امتعتنا بهذه المحاورة

لاهنت وماقصرت يابو فيصل

[ابومحمد الشامري]

لا هنت يا ابو فيصل على المحاورة الرائعة من شعار اعلام في فن المحاورة.

ما قصرت يا السنافي

[فهد بن محسن]

الاخ \ فهاد العجمي

الله حيه ,,, مرحبا بك يالغالي .. مرورك شرف طال عمرك ... وتشكر على التعليق ...

فاقدينك يالغالي

لاتبعد عنا كثير .. ماتنحمل بعدك

تحياتي لك

[أبو محمد]

لاهنت يا ابوفيصل

[فهد بن محسن]

هلا والله يابو حمد

حياك ربي ,,, وتشكر على المرور والتعليق

تحياتي