كتب محمد آل دعياء هذه المرثيه وهو ابن خال نايف بن بطاح بن نفل
وحبيت اني انقلها لكم من منتديات العجمان وقبائل يام
يا
عزاء قلبي
يا عزاء قلبي تمهل لا تشيلون الخيام
العزاء ذكراه فيني والحزن صيوانـها
كيف أبنسى والكرى ماشالني يم النيام
والكويت تسيل عبراته على ذيـبانـــــها
أدع له يا كل عبد قام صلى للقــــــيام
يغفر ذنوبه ويطرق جنته بيبانــــهـــا
وأدع تهدأ دمعتي والنوح فيني والهيام
لن عيني صار يغشى سودها بيضانـها
جعل قبرك نور واهج ما يـباغته الظلام
وجعل ما تسكن سوى جنه وسط حيطانـها
يا مثل في الطيب يا شيخ يا نسل الكرام
يا مثل في وادي العجمان من شيخانــها
يا دواء يا عذب يا بلسم كثيرين السقام
يا الفعول الطيبة يا اللي صعب نسيانـــها
العزاء ما مات فينا والعباير كالغمام
ممتلي من سيلها سد حوى وديانــــهـا
بس نصبر دام فينا للصبر منزل ودام
يؤجر الله صابر الدنيا على ضيقانــهـا
ويا أم فيصل ربي اللي خالقن كل الأنام
ومن يشاء يأخذ حياته لا بغى شيلانــــها
لا يضيم الدمع عينك لن من دمعك نظام
والله يحب العباد ويرحم ابضيمانــــــــها
و الله إليا حب عبد صابه هموم عظام
يختبر في الناس صابرها ومن غيضانها
أفرحي دام إن نايف ما رقى إلا بالقمام
صقر من بين الصقور اللي اختفى شيهانها
وش تفيد العبرة اللي خشنت خد النعام
زودت هم الحزون ورجحت ميزانـــــــــها
يا وشاح الحزن ول وخل للفرحه كلام
كل ورده كان نايف جنبها ريحانـــــــــها
تقبلواا أولى مشاركاتي وهي قصيده في المرحوم ابن عمتي:
نايف بن بطاح العجمي رحمه الله وأسكنه فسيح جناته
وتقبلوا تحيتي,,,,,,,,,,,,
22-03-2010, 11:04 AM
العرض العادي
المواضيع المتشابهه
