الشـــــــــــــــعر لإبــــــــــــن نـــــــــــــهايــــــه

[علي ابن نهايه]

الشعر شي داخل ٍ بكل إنسان = من لوعة ٍ هاضت مشاعر شعوره
او موقف ٍ خلاه يكتب على شان = او فرحة ٍ توضح على اول سطوره
الشعر معنى ثم قاف ٍ مع اوزان = متقيد ٍ بالماضيات بعصوره
او الحداثه _ حاضر كيف هو كان = بالمفردات الهادافات مغموره
في فكرة المكتوب لا جر الألحان = ترسم قوافي فكرته وسط صوره
يشهد على ماقول قول ابن جدلان = خير الكلام يدل والدور دوره
من عقب الأعشى والفرزدق ترى حان = نقرا كلام ٍ واضح فيه نوره
خير الكلام يدل وقد قال راكان = يكفي قليله لا صمل في عبوره
الشعر يبقى للأحاسيس عنوان = لا صار ماهو كلمتين محشوره
من شاعر سموه شاعر ولا هان = شوّت بها الشاعر كما شوت كوره
كل ٍ على قافه طرق طرق الاوزان = والشاعر اللي ما حصل مثل دوره
يبقى حريص في معانيه بإمعان = والشاعر اجدر لا غرق في بحوره
اما نقول انه على الشعر نيشان = وألأ نقول انه على الشعر عوره

[/QUOTE][/poem]