لقيل منهم قيل جمع آل عامر ***مواجد اللي يحتمون الونية

[اليامي2]

للشاعر يحيى ظافر عيسى آل الحارث اليامي

يالله ياعالم خفي السرايـــــــر =يالواحد المعبود جزل العطية
تجعل لنا حظ نهار الحشاير =لما قد المضيوم يزهم خوية
لما قد البارود بالجو ثاير =ثم قيل ياظفران ياهل الحمية
هات القلم ننظم بيوتك شطاير =في لابة يردون حوض المنية
في لابة تثني نهار الكساير =حرابها راحت دلية ظمية
لقيل منهم قيل جمع آل عامر =مواجد اللي يحتمون الونية
جاني خبر سبب على الكبد فاير =قد ذكر لي جا بالغريميل هية
راحوا رجال يحتمون العشاير =كم من عقيد راح يسوى سرية
يبكي لعبدالله صبي الخساير =يبكيه فرقان لبيته لويـــــه
وحدود يــام سهولها والجداير =حيث على كبد العدى منه كية
تبكيه من ظهران لأرض الدواسر=ومن سمع ذكره جات عيونه شقية
ويبكي لبن دواس ذود حراير =غمر يسوم الروح في كل هية
ويبكي ابن عسكر لابته والعشاير =ومواجد تبكيه والمذكرية
لجيت أباأمدح ذا فذاك فاخر =الكل منهم له علوم طرية
مدحي لهم غصبا على كل باير =ما هو على ساس إنهم لي صلية
إلهم نهار الريب حظ وشاير =من يوم عصر الهطف والجاهلية
وهذا حكم ربي على العبد صاير =ومن راح في الواجب فله مقدرية
موت الفتى في واجبه له سفاير =وفي جنة الفردوس صبح وعشية
ومعهم بني عم تجلي العباير =في دقلهم راح اليماني شوية
على المعادي قام قصف الذخاير =لين أشبعوا سبع الخلا والحدية
عشرة خذوهم قتل والكل غاير =وقادوا بنادقهم مع الحضرمية
وطقوم العدا اللي جهزت بالمواتر=استيسروها غصب والشمس حية
خذوا القضاء من قبل رد البشاير =وزود سبعة عند ربعي همية
حنا لهم درع على الحف جاير =عند الحمية عذوتي حارثية
وصلاة ربي عد نبت الزباير =على النبي المختار سيد البرية

[تركي بن ناصر]

والله ونعم يال عامر اللي فعلهم قدام عين عدوهم ولا يقدر عدوهم الابالغدر

[حصان الوعيلي]

والله وسبعين نعم ياال عامر

[اليامي2]

ما عليكم زود يامذكر

[مرسى الاحزااان]

يستاهلون الطيب صبيان يام