عميق ٍ وهادي

[عبدالله ال مجحود]

ماكنت اظنش ناويه بابتعادي
ولا اظنش قاويه لو تصدين

مشاعري يمش تفيض ازديادي
وانتي على الهجران من وقت تنوين

وش ذنب قلبي يوم كنتي ودادي؟
وش ذنب دمعات ٍ تهل فوق خدين

وش ذنب مجروح ٍ هقا الجرح عادي
وانتي تزيدي الجرح بجرح واثنين

كنت احسبش في ضيق وقتي زنادي
واثرش سراب ٍ من بعيد ٍ تلوحين

قلبي في حبش وانتي حبش في وادي
كنت احسبش من كف عشقش تمدين

بس للاسف ظنش ما كان اعتيادي
يوم الردى فيني بديتي تظنين

احلف بربي ما أزال بجهادي
في حرب حبش يوم انتي تقودين

انا الذي قد عفت اكلي وزادي
لا مر يوم ٍ ما قدرتي تنامين

اركب ذلولي وامتطي لش جوادي
لجل اصبحش في شعري بما تحبين

كم هاجس ٍ ليله شديد السوادي
لامر طيفش عابر ٍ صوبي ابزين

ياكيف اعدد مستحيل العدادي
وانتي تقولي القول بس ما توفّين

هل غيّرش عني عذول ٍ معادي؟
او انتي بسرعه تحبي وتملين؟

احساسش وحبش في لجة مدادي
دامش ما غصتيني الا كيف تدرين؟

قلبي سبب جرحش في شبه الحدادي
وعشق السهر للدمع جافى لجفنين

واذا رجعتي مادت ٍ بالايادي
برجع وبحيا بش وانتي بتحيين

لا تحسبي القصه هواش وعنادي
المسأله احساس وابغي تحسين

ياوردة الوادي وريم البوادي
وياشجون القلب واحساس جرحين

انا مثل ماني لو الوقت حادي
ولو الليالي خلتش ما تشوفين

مازلت في حبش عميق ٍ وهادي
وانتي يا قلبي لازم انش تغوصين

[الاب الروحي]

صح لسااانك

لاهنت

فنتظار ابداعك

ودعتك الله

[عبدالله ال مجحود]

حيااااك الله .. صح بدنك ولاهنت

الف الف شكر عالمرور ..

صح الله لسانك وبيض الله وجهك

لاهنت

[عبدالله ال مجحود]

ومن يقوووول .. صح

بدنك يامحمد ولاهنت .

يعطيك العافيه

[الفرس]

ياوردة الوادي وريم البوادي
**********************وياشجون القلب واحساس جرحين

انا مثل ماني لو الوقت حادي
*************************ولو الليالي خلتش ما تشوفين


الله الله

صح لسانك الاخ عبدالله ..


وياعساها تحس بس ..

تقبل تحية ود ..

[عبدالله ال مجحود]

هلا هلا ..

صح بدنك يا الفرس

الف شكر عالمرروووور ولاهنتي

[دمعة وداع]

صح اللسانك
ولاهنت
رااااائعه بحجم حضورك

ننتظر القادم بشوق

[عبدالله ال مجحود]

صح بدنك .. يعطيك الف

عافيه عالمرووور ولاهنتي

[بندر العجمي]

صح الله لسانك



وجززززل وحضووورك جزل ولاعدمناك




وووجهك ابيض يالمبدع




اخووووووووكـ