تفَآصِيْـل [ ـي ] ..!

[نيَـة فراق ..!]

النفس ..؟

تاقت لـ / السهر ، والتع ـاليل ..

والع ـين :

أشوف النوم [ خالف سنع ـها ] !

[نيَـة فراق ..!]

قال : احبك ..؟
..... قلت : احبك
قال : جدا ..؟
..... قلت : جدا !


قال : انا احلف ..؟
.... قلت : انا احلف
قال : والله ..؟
.... قلت : والله ..!

[" مــــابه جديــــد "]

^
^
^
صدق والله

نية فراق بيحي مني كل قصايدك عندي فالارشيف غار لااضيعتي شي منها اطلبي وتجدين


واله لو لي مقدريه كان سويت لمتصفحك ذا دعايه على الام بي سي لاكن الشكوا لله


تصبحين على خير ومبارك عليك الشهر

[نيَـة فراق ..!]

طال الغ ـياب وصوت مرسال الغ ـلا / ما من مجيب ..!
للي دماره [ من ظنون الوصل لاسباب الغ ـياب ] ..


لو سقت ظنَي فيك ..؟ يظلم درب ، ويضيق الرحيب ..!
لكن على [ بيض النوايا ] جيت كافيك الجواب ..


حبَك غريب الدار ، والتوقيت ، واحساسه غريب .!
وانا غريب يع ـدَي الاحباب [ شرهات الع ـتاب ]


غريب مالي في حياتي [ لا قريب ، ولا حبيب ] ..
باعوني الاحباب ، والاقراب سنَوا لي / حراب ..!


ما أظنَي [ أول من عطاه الوقت طع ـنه من قريب ]
ولاني أوَل من تجرَع بـ / الهوى مر الع ـذاب ..!


ولاني أوَل من هقا [ هقوه ] وهقواته تخيب ..!
ولاني أوَل من حفت رجله ورى / طرد السراب ..


مع إنَي أوَل من صنع من ذاته لـ / ذاته رقيب ..!
لاجله حياتي مرجحه بين [ التصابي ، والصواب ]


وأنا ادري ان الآدمي بع ـد الخطا لازم يصيب ..
هابيل ما دلَه على درب الصواب الا [ الغ ـراب ] ..!


هذا أنا تمشي بي الدنيا على / حظ ، ونصيب ..
والا الحياه أغلى مكاسبها يجي [ تحت التراب ] ..!

[حـــوران]

ابيات كنها مكتوبه لهالمتصفح

هنا .. عذب القصيد .. ومنتهى الابداع .. والتصوير=هنا .. اقصى تمرّد للحـروف .. وسبـك للمعنـى
هنا .. أرقى العطور .. وريحـة اليشمـوم والنوّيـر=هنا .. اعذب مناهلنـا .. هنـا.. اجمـل مراتعنـا
هنا .. حس القصيد اعذب .. هنا .. طعم التصفّح غير=هنا .. جنون الحضور اللـي علـى حسّـه تجمّعنـا

وعلى طاري الدعايه , يكفي ان هالموضوع سوا دعايه لمنتدانا

[نيَـة فراق ..!]

ههههههههههههههههه مابه جديد

والله

وانت من اهله .. وعلينا وعليك يتبارك

شرَفت

[نيَـة فراق ..!]

المشاركة الأصلية كتبت بواسطة حـــوران

ابيات كنها مكتوبه لهالمتصفح

هنا .. عذب القصيد .. ومنتهى الابداع .. والتصوير=هنا .. اقصى تمرّد للحـروف .. وسبـك للمعنـى
هنا .. أرقى العطور .. وريحـة اليشمـوم والنوّيـر=هنا .. اعذب مناهلنـا .. هنـا.. اجمـل مراتعنـا
هنا .. حس القصيد اعذب .. هنا .. طعم التصفّح غير=هنا .. جنون الحضور اللـي علـى حسّـه تجمّعنـا

وعلى طاري الدعايه , يكفي ان هالموضوع سوا دعايه لمنتدانا

حوران

صح لسانك .. ولاهنت عـ / الاطراء

منوَر

[نيَـة فراق ..!]

ما اقول : احبه ، ولا ميت فيه
ان كان حبي مثل [ حب الع ـبادا ]


انا غرامي [ فيه ، ثم فيه ، ثم فيه ]
واحب الارض اللي عليها / تهادا ..


اللي ملكني قبل ما اسمع حكاويه ..
واللي سلب مني [ لذيذ الرقادا ]

[نيَـة فراق ..!]

ياللي زرعت الصخب في داخلي والركود ..؟
كم لي وأنا أنهر خفوقي عنك ، ما ينتهر ..؟!


تع ـال واللي مضا من عمرنا / ما يع ـود ..
كم فات من يوم فـ / غيابك ، وعام ، وشهر ..؟


تع ـال جدَد [ مواثيق الهوى والع ـهود ]
ونستدرك اللي مضا ، ونشب شمع السهر ..


تع ـال واوعد وعدٍ ما يبي له / شهود ..!
[ حرٍ ] ووعدي عليَه دين سر ، وجهر ..


اسكَنك خافقٍ [ عطفه ] بليا / حدود ..!
واحصَنك قد ما اقدر عن صدوف الدهر ..!


وش فايدة عمرنا لا راح / هجر ، وصدود ..؟
[ لولا الع ـطا من يد الساقي يموت الزهر ] !

[نيَـة فراق ..!]

ان كان ودك بـ / جرحي ؟؟
..... زهَب رماحك

وانا بـ / ازهَب [ خفوقي ]
... ويالله الخـيره !