تصميم شركة سبيس زوون للأستضافة و التصميم و حلول الويب و دعم المواقع

محمدالحويله · #1 07-08-2007, 08:06 PM

.................................................. ...

ماهزك الشوق والا حرك شعورك=انا اشهد انه لعب في حسبة شعوري
ياخالي القلب ياقسيك وياجورك=حكمتني بالهوى والحكم جمهوري
ماصابني منك لاصدقك ولا زورك=اجي معك بالجميل وتنشب بزوري
ان كان هالناس مستويه بمنظورك=انا انكسر من بعد فرقاك منظوري
لو هي على الكيف كان اجيك وازورك=واضم لون الورود وريحة الجوري
دقيت بابك قبل ماينهدم سورك=وانهيت دورك قبل ماينتهي دوري
سفينتي لو تتوه بغبة ابحورك=باسفط اشراعها واشب دافوري
مانيب مغرور لكن صرت مغرورك=وانا ماهوب اي حاجه ترضي غروري
نورت ياصاحبي والنور من نورك=امر لجلك واجي واسجل حضوري
واثرك تقلب علي وتضبط امورك=طلعتني بالغلا والحب من طوري
مقدور ظلم الحبايب وانت مقدورك=ترمي بسهم العيون وموتها فوري
عود على من هواك وصار مهجورك=واشواق قلبه عليك تفوح الغوري
للحين انا ماسك اعصابي وباشورك=شوري عليك انتبه لي واستمع شوري
والا علي الحرام ان اهدم جسورك=واعلمك ويش معنى حكم جمهوري

راكان المحفوظي · #2 07-08-2007, 08:38 PM

الله الله

صح لسانك يابن حويله وبيض الله وجهك على القصيده الجزله

وفي انتظار جديدك

مستغنيه · #3 07-08-2007, 09:11 PM

للحين انا ماسك اعصابي وباشـورك
شوري عليك انتبه لي واستمع شوري
والا علي الحرام ان اهـدم جسـورك
واعلمك ويش معنى حكم جمهـوري

الله الله الله عليك

وافيه من راس وافي

لاهنت ولاهان قلمك

قمه لالا

روعه لالا

بصراحه شي شي

صح لسانك مليون ولايكفن

,,,,,,,,,, مبدع يالجمهوري ,,,,,,,,

لك تحياتي

مستغنيه