تصميم شركة سبيس زوون للأستضافة و التصميم و حلول الويب و دعم المواقع

ابراهيم آل ربوع · #1 04-08-2007, 07:29 AM

السلام عليكم .. المعذره على قل التواصل ..
:::::::::::::::
قصيده متواضعه عساها تلقى بعض الاعجاب .

وين انت ياللي في معاطين الفواد =عاينت لك عامين .. ماعاينت لي
عامين كنّي من فراقك في جهاد=حزين فرقى .. لوك ماحزّنت لي
ابلشتني .. والحقتني لوم العباد=بقفايتك عني بعد قلتنت لي
الله يسامح صدتك يابوعناد=ويبيح جرحك من عقب بعتـنت لي
ليتك تذّكر يوم همّك فيك زاد =ثم جيتني تشكي علي وآذنت لي
آذنت واستسلمت.. ثم قلت الوكاد :=ان المحبه لك .. وانا لك .. وانت لي
وفجّيت صدري لك وحرمت الرقاد=وشبيت ضوك بي .. ولا بيّنت لي
صدقت حكيك يوم ماطقت البعاد=واعلنت لك بالشوق وانت اعلنت لي
من عقبها طاحت من عيوني بلاد=وليّنت لك قاسي الظروف ولنت لي
صرت احفظك واقول (شفـّي والمراد)=واقول يالله (جعل ذيك البنت لي )
حتى غديت استنكر من اهل الشداد=واقول ويش الرنج .. ويش البنتلي
اخلفتني واودعت في كبدي رماد=واشقيت عيني بالسهر من زنت لي
ماطعت فيك اللي نصحني بانفراد=استنصحك .. وبدمعتك برهنت لي
حسبي عليك شعاد منك وويش عاد=ياما لعينك صغت ثم هيجنت لي
من ضيقتي ماطاب لي شربٍ وزاد=غير التمني .. ليت كان وكنت لي
جسمي كلاه الهم من قبل القناد=من سبّتك صار الصحيب الكنت لي
ياليت ماالله حطك بعيني سواد=او ليتك بدرب المحبه صنت لي
عامين عدّت عادني بك في جهاد=اذكرك واسري لك وفا .. مابنت لي
ليتك تحّن وتذكر ايام الوداد=وتعيد عمر ٍ فات لي ..(لا هنت لي)
وين انت ياهملول كبدي والبراد=باموت عطش ٍٍٍٍٍ والحشا لك وانت لي

وسلامتكم .. ابراهيم بن ربوع