><> دار الرحيل<><!!

[ماجد العجمي]

الأحبه هنا ..
قصيده أخرى . وتواصل ممتد . وحب متأصل .
قصيده أرجوا أن تنال على إعجاب أصحاب الذوق الرفيع .
:
:

أسري تحت حر الفيافي وتحت شمسي وحرَّها=أسَجْ رجلي والخطى متقاربات(ن) بالمسير
أسري وأنا اليمه بلا تحديد داخل برَّها=أمسح جبيني وأعلم أني بالسما ما أقدر أطير
أرقى على روس النوايف واللحون أجرَّها=وألقى صدى لحن الزمن عالي لاجَرَّه بالكثير
ادوج وأدري بالزمن صرته دوم يصرَّها=وأن الهوى لا قابلك لزمن تلف وتستدير
وأزرار وقتي لافتقها غصب أجي أزرَّها=أتعب على الأول يفك الثاني بهيئة أمير
يقسى ويقسى وأدري أن الناس ياكَمْ ظرَّها=ويظيق حباله على رقبتي وأنا حبلي قصير
لكن حالات الزمن وشعيرها من برَّها=ميزتها وفرقت طعم الحالي من طعم المرير
أدركت مفهوم الحياه ادركت لله درَّها=عرفت لامال الشجر يصقط ورقها اللي صغير
دنيا العجب مثل الثعل في كرَّها وفي فرَّها=وما هرول الثعلب عبث يبقى على وصفه مكير
بعض الذي تعطيك تلقى خيرها في شرَّها=والشر جوف الخير سبحان الولي به نستخير
هذي الحياه وحن كما مسافر يجي ويمرَّها=يلبث بها بضعة ليالي واسمها "دار الرحيل"

[حمود بن فطيس]

صح السانك ياماجد

ابيات تحكي عن الوقع فيها من الصفاء ماتطيب له الانفس

صح السانك مره اخرى

ويسرني ان اكون اول من يعلق على هذه الرائعه

تقبل تحيات مودعك

حمود بن فطيس

[فهد بن محسن]

الاخ الشاعر

ماجد العجمي


صح لسانك ولاهنت يالغالي

على هذه الابيات الرائعه

تحياتي لك

[نشميه القصيميه]

الشاعر القدير



ماجد العجمي




رائعه يالفحل




وجزاله مفرطه





صح الله كلك ولاهنت












إختك










نشميه

[شبيب بن فنيس]

لاهنت يا ماجد العجمي

ابيات رائعة ومعبره لاهنت وصح السانك

بيض الله وجهك

[عبد العزيز العجمي]

السلام عليكم ورحمة الله وبركاته

صح لساانك أخي ماجد على القصيده ... وتسلم يمينك...

مو غريب عليك الابداع من خلال قصايدك...

تقبل تحيااتي ..

أخيك .. عبدالعزيز العجمي..

[ماجد العجمي]

الغالي/ حمود بن فطيس .
أهلا بحظورك الفضفاض وبتلك الأحرف التي يشدوها الطير .
شرف لمتصفحي رؤية إسْمُك بين جدرانه المتهالكه والمتواظعه .
تقبل أخلص التحآيا وأجلُّها .

[ماجد العجمي]

الأخ/ فهد بن محسن .
صح بدنك وشكراً لمرورك العطر يا فهد .

[ماجد العجمي]

الرآئعه: نشميه القصيميه .
ياهلا والله ومرحبا بك في متصفحي .
وحظورك شرف سيدتي .
في حفظ الله .

[ماجد العجمي]

الأخ/ شبيب بن فنيس .
ووجهك وشكراً لمرورك العذب .