[line]
((شوفوا دلاخة بعض الشباب))
7
7
7
7
فيه نوعية من الشباب الله ابتلاهم بالدلاخة ( الغباء ) وهم ما يدرون انهم
دلوخ وأصحابهم ما علموهم مراعاة لشعورهم
لكي تعرفين بأن هذا أو ذاك دلخ وبجدارة ومن علامات الدلخ اجارنا الله
وياكم كا التالي :
1/ إذا شفتي واحد وقف سيارته تالي الليل جنب بابهم وفتح باب السيارة
بسرعة واخذ كم حجر معه عشان يطارد له بس ( قط ) كان واقف قدام
بابهم فأبصمي بالعشرة ان المذكور دلخ وعلاجة كم تفلة من مطوع
الحارة وبعدها ان شاء الله انة يتحسن. ( تخيلها بعمق )
.................................................. .
2/ إذا شفتي واحد في السوق منشئ الشماغ وقاعد يلاحق وحدة
تسحب وراها 3 أو 4 من عيالها وعلى كتفها شايلة بعد طفل والحبيب
وراها من محل الى محل يبغى الحبيب يرقم (ونسي ان عندة في البيت
حريم ) فهذا والعياذ بالله دلخ مستدلخ وهذا النوع خطير على
الحياةالفطرية.
(هذا البعيد مو آدمي وربي))
.................................................. ...
3/إذا شقتي واحد من ها الشباب الي يتابع أرقام خط الصداقة الدولي
ويقعد يتصل عليهم وبعد من دلاختة حتى الأنقليزي ما يعرف منة ألا كم
كلمة ويتميلح بالساعات عشان الخواجيات يضحكون على دقن الي جابه
وأخر الشهر إذا جات الفاتورة يلاقي ذاك المبلغ المحترم صاكينة شركة
الاتصالات بعدها الحبيب يسوي جمعية ( قطة ) مع زملائه عشان يسدد
فاتورة الدلاخة وهذا النوع دلاختة مؤقتة تزول بمجرد الزواج (بعضهم
المرض مستعصي عنده ..لايزول)
.................................................. ..
4/ أما قمة الدلاخة
فهي ان ترسل لك وحد ة مزيونة بالحيل وشعرها طويل من ها البنيات
ذيك الرسالة على بريدك أو رسائلك الشخصية في المنتدى ألي أنت مرتز
فيه وتكتبلك إنها معجبة فيك وفي أسلوبك في
الكتابة وبعد معجبة في خفة دمك وتقعد طول الليل وأنت قدام المراية
تلمع في سنونك الصفر الي فرشة الأسنان عمرها ما قد مرت من جنبها
وبعد كم شهر من التسحيب على وجهك تتضح ان البنية الأمورة الحلوة
واحد من ها الثيران الشباب الي ساقط في الكفاءة 7 سنوات
وقتها اعرف انك قد بلغت قمة هرم الدلاخة والله يعينك على المحشات
من أصحابك في المنتدى الي انت مشخص فية0!!!!
وخلللللللص الموضوع ...
ملطوشه على عجل
تحياتي للجميع
أميرة نجد
05-07-2005, 08:29 PM
العرض العادي
